Nupepa Puka La Kuokoa, Volume I, Number 170, 16 November 1893 — Na Loaa Ukana no ka Alahao i Waianae. [ARTICLE]

Na Loaa Ukana no ka Alahao i Waianae.

Ua wehewehe mai o Dilinahama i na loaa ukana ma ke alanui holo i Waianae, e pomaikai ai ke alahao i ka hali ana a hoihoi ia mai kona mau lilo. Ma ka holo ana ma Honouliuli aku a hiki i Waimanalo, he nui ka aina mahiko, a

e hali ia ana ke ko maluna o keia alahao. He mahuahna loa no hoi ma ia wahi na nlulaau kiawe, no ka hui alahao no ia. E kua ana lakou īua paila wahie he 250 i kela malama keia malama, a hoolawa i ka poe makemake wahie ma Honolulu nei. He mea no ia e emi hou ai ilalo ke kumukuai o ka wahie ma ke kulanakauhale. Q kekahi ukana nui, oia ke kopaano ka wiliko mai o Waianae ma ka 3000 tona oka makahiki. TJa upu ia e mahuahua hou aku ana ka mahiko ma Waianae, no ka halihali ia o ke ko ma ke alahao e like me ko Ewa. He mau aina kupono ika mahiko ma Waianae, ua kaawale loa mai ka wiliko aku, a ina e paa ke alahao, e mahi ia ana. Ua hoike mai o Dilinahama ina loaa o ke alahao o Ewa no ka halihah ukana i na makahiki ekolu i hala, penei: Mahiko o Ewa, §41,017.95, na maia, $11,365.86; na laiki, $13,013.74; kela me keia mea, 87,819.09. Huina $103,216.14. He puka maikai keia o ka hana ma ke alahao o Ewa, O ka mea i pilikia ai ka hui i ke dala ole, no ka nui loa o kona mau lilo i na hana hoomaikai, e like me kela mea hapai lanahu ame na hana e ae. 0na loaa o ke alanui, he oi loa i na lilo o kona hana ponoi, ahe make pono loa ka hana.