Hawaii Holomua, 2 May 1891 — HUIKALAIA. [ARTICLE]

HUIKALAIA.

Ma kekahi halawai a ka Ahakukamalu i malamaia ma kekahi la o ka mahina i hala, ua oluolu i ke Alii ka Moiwahine Liliuokalani e hoopuka ae i na palapala huikala mailoko aku o ka noho pio ana maloko o ka Halepaahao o Kawa, malalo o na hoopai ana a ke Kanawai, i na poe no lakou na inoa malalo iho nei: Paulo, Kamekona, Halemano, Kekuno, Makea, Peni Kaaialii. Kanaulu, no Kalawao, Molokai lakou a pau. Enorme Ferreira, no Makawao Maui. Kaluna, Joseph Kamiano, no Hilo, Hawaii. Haleakala, Lau Fong, no Lihue, Kauai. Kaua, Kaahu, John Peterson, Alohikea, S. L. Kawelo, no Honolulu, Oahu. A ua oluolu pu no hoi i ke Alii ka Moiwahine, e haawi i Kona ae e hoomama ana i ka hoopai i kau ia maluna o Akana o Honolulu.