Hawaii Holomua, Volume III, Number 2, 7 January 1892 — HE LETA. [ARTICLE]

HE LETA.

Hawaii. Dek. 29, 1892. I ka Mea Kiekie ke Aliiaimoko o Hawaii, ka Moiwahine LILIUOKALANI. Halealii, Honolulu, Oahu. Aloha Hape Nuia e Kalani: — E ehu ae nei ka noho pilihua ana o ka noonoo ana aku o ka pono a me ka pomaikai e ili iho ana maluna o Kou Aupuni e ke Alii ka Moiwahine, mamuli o na Lunamakaainana a me na Alii o ka Ahaolelo, eia ka he poe lapuwale maoIi no lakou, aole paha o lakou a pau, aka, o kekahi hapa o lakou ka poe i ku ma ka aoao e kue ana i ka Aha Kuhina o Kamuela Paka, he poe lapuwale lakou a pau Ioa, a pela pu no me ka poe i kue i ka Aha Kuhina o Nawahi,oiai aole i loaa ka mana ia lakou ma ke kanawai, oiai o ka manao o ka Pauku 41 o ke Kumukanawai, o ka Moi ka mea nana e koho, a nana no e hookohu i na Kuhina a nana no e hoopau; mamuli wale no o ka olelo hooholo hilinai ole o ka hapa nui o na hoa o ka Ahaolelo a ma ko lakou hewa paha e nana ia ka manao o ke kanawai aole loa he wahi kuleana iki o na hoa oka Hale Ahaolelo e koho a hookohu iho i kekahi o na Kuhina, nolaila, e kuu hanai, i nui ke aho e hana i Kumukanawai hou, a e koho i mau Kuhina pono, nau ponoi no e koho aole na hai. Ke waiho aku nei no au i ko Bila inoa a me Moheau. Kou kanaka, D. H.