Hawaii Holomua, Volume III, Number 2, 7 January 1892 — NUI KA NAUKI. [ARTICLE]

NUI KA NAUKI.

O ka mea i hoomaopopo ia no ke kulana o ka lehulehu, oia no ko lakou piha huhu i na Hoa o ka Ahaolelo i koho ma ka aoao kokua i ka Aha Kuhina i nehinei. O ka huaolelo wale no ma ko lakou waha, oia ko lakou ahewa i ke ano o ko lakou kohu ana. No makou iho, aole o makou makemake e ahewa koke aku, aka, e kali ka inaina, malia e loaa ana no he pono kaulike ma keia hope iho.