Hawaii Holomua, Volume III, Number 2, 7 January 1892 — HE MOOLELO NO KA NAITA LEONE DE BIMA. O NOREMANADI. [ARTICLE]

HE MOOLELO NO KA NAITA LEONE DE BIMA. O NOREMANADI.

MOKUNA IX. KUKA ANA ME KA MOl. Ma ka inoa maemae o ke Kaula mau loa, wahi a ka moi i hooho mai ai mahope iho o kona lohe ana i ka moolelo, he hana maikai lua ole o ke koa ka kela opio i hana ai, a he hana hoi e hiki ole ai ke ma- nanaoia ua loaa i kekahi o na poe powa. Aka hoi, e Baala, heaha la ka hana a ua naita la mawaena o keia poe haihai kanawai? i ninau hou mai ai na moi la. Ua poina, a i ole, ua nanea anei oe i ko'u wa i kamailio aku nei ia oe? wahi a Baala. Aole! Alaila, hoomau hou mai la ua kuhina la i kana kamailio ana i ka moi no ua opio la, me ka olelo ana mai penei: Aole loa au i ike a i lohe iki hoi mai kahi mea mai ua hui iki ua opio la me keia poe powa a ua launa pu hoi me lakou; aole no i komo iki mai ia manao iloko o ua opio la. Aka nae, he hana mau nana kona hele ana i ka holoholo i kekahi mau manawa kaawale i loaa iaia, a ua ike pinepine ia kona hoohala ana ia mau manawa maloko o na ululaau. A i kekahi manawa, e ike ia ana oia e holo ana maluna o ka lio e hele ana i ka hahai holoholona, a iloko o kona kino opiopio, ua hiki loa iaia ke luku i na holoholona weliweli kino nunui me ka oi o kana puhikaua. Ae! ae —ke maopopo loa mai la ia'u na mea a pau, wahi a ka moi mahope iho o kona noonoo ana no kekahi mau minute. He oiaio kau e olelo mai nei, i hooho hou mai ai ua moi la, a he kumu kupono no hoi oia e hiki ai ke manao ia ma ia hana i noonoo ia oia e na kanaka, ua launa oia me na powa, aka, no'u aole loa au i manao he opio puuwai eleele oia o ke ano powa. He oiaio, aole loa pela e kuu haku, a o na olelo alakai hewa a pau a kela Abu Zamara ia oe, me ke ake e hopu ia kela opio hewa ole, he hana ku maoli no ia i ka enemi pilikino. Aole ia o ko'u makemake, wahi a ua moi la i pane mai ai me ke ake ana e ike i ka manao maoli o kona kuhina. Me keia mau olelo a ua moi la i kona kuhina, huli ae la oia e kahea hou aku la i kana mau olelo no ka lua o ka manawa, a i ka hiki ana mai, kauoha aku la oia, iaia no ka hele ana e kii ia Omera. Aole i liuliu mahope iho, hele mai la ua Omera la oia hoi ke kapena o na koa kiai kino o ua moi la, a i kona hoi ana mai me ua mea la a me ke kuhina, haawi mai la oia i kona aloha ia laua me ka [illegible].

Ua ike no anei oe i kahi o Leone de Bima e noho nei? i ninau mai ai ua moi la ia Omera ke kapena o na koa. Ae! Ina pela, e hoolohe mai ia'u, wahi hou a ua moi la i pane mai ai me ka hoomau ana. He oiaio anei kau i olelo mai nei ua ike oe i ka home o ua opio la e noho nei? Ae; wahi hou a ke kapena. Makemake au ina e hiki ana ke lawe ia mai ua kanaka opio la io'u nei i keia po me ka hoohakalia ole, aka, e pane mai, e hiki ana no anei ia oe ke kii iaia? Me ka emoole, ua haawi mai la ua kapena la i kona ae no ko kii ana i ka opio. Ina e loaa aku oia ia oe i kona hale ponoi, e lawe mai oia iaia ma na ano a pau e hiki ana ia oe imua o’u, oiai he mea pono iaia e hiki mai a e ike aku au iaia. Aka, ina aole oia e loaa aku ia oe i kona hale, alaila, aole oe i makemake ia e hele no ka imi hou ana aku iaia. E hoi koke mai oe imua o’u. E lawe mai anei au iaia ma ke ano he powa, e kuu haku? E like me ka hiki ia oe—oia nae a me kana kauwa ka'u i makemake ai e ike. E lawe pu mai ia laua elua—ina aole ma ke ano makamaka, alaila, ma ka ikaika, me ka hoopoino ole nae i ke ola o kekahi o laua. Ua lawa ae la no keia mau olelo a ua moi la i ka manao o ke kapena, a o ka hana ana me ka lima ikaika oia kana e hookau aku ai maluna o ka opio no ka lawe ana mai iaia i ka halealii, a me ia manao huli ae la oia a hele aku la no ke alanui. Aole i liuliu mahope iho, aia ua kapena nei ma ke ala me eono mau koa, a ua lakou pono lakou a pau me na mea kaua, a i kekahi kanaka na kupeehao kahi i paa ai me kekahi mau mea e ae. He poe kanaka wale no lakou a pau i lawa piha me na olona ikaika, a he poe hoi na ua kapena la i hilinai ai, a e kamoe ana hoi lakou ko ko lakou wahi i hoouna ia aku ai e ka moi.