Hawaii Holomua, Volume III, Number 2, 7 January 1892 — KA LA HAPE NUIA. [ARTICLE]

KA LA HAPE NUIA.

Aole hookahi wale no la i malama ia ai ka Hape Nuia, aka, he elua la; no ka mea, ua hoomaka ka po Poaono ka hauoli ana o keahi poe lehulehu, a ua hoomau ia mai a hiki no i keia la, ke Hape Nuia mai nei no kahi poe. Ua malama ia na Aha Haipule ma na luakini lehulehu o kakou, a o ka hoohanohano ana a ko kakou AIiiaimoku ua pahola like ia aku mawaena o lakou. He mau papaaina luau kekahi i haawi ia ae, a ua hanohano a maikai ka malama ia ana no ka hoohiwahiwa ana i ka la hanau o ka malihini 1893. O ka mea kamaha'o loa nae; oia no ka maluhia o ka lehulehu, aole he mau kumu e hookuia ai i ka hauoli ana o na mea a pau. Ina o na kahoaka oiaio keia o ka makahiki e nee nei, alaila, he mea hiki ke manaolana ia aku, aia mamuli o ka mana hoomalu o ke Aupuni ka maluhia o ka lahuikanaka Hawaii iloko o ka M. H. 1893.