Hawaii Holomua, Volume III, Number 2, 7 January 1892 — KELA LUNAMAKAAINANA WAIPUILANI. [ARTICLE]

KELA LUNAMAKAAINANA WAIPUILANI.

Ua loaa mai ia makou he leta mai kekahi o na kanaka kuonoono o Kona, Hawaii, maluna mai o ka Malulani, e hoike ana i ka piha inaina o na makaainana o ia Apana no na hana a ko lakou Wahaolelo. O keia mau hana a ua Hon. nei, ua helupapa ia mai, a ua moakaka na hoakaka ana. No makou iho, he puuwai makaukau ko makou e kala aku, malia paha, e like me ke ano o ke kanaka naauao a noonoo maikai, pela no oia e hoololi ae ai i kona kulana, a e apo aku i na hana a pau e pono ai kona mau hoa makaainana, a e ko ai hoi ko lakou makemake.