Hawaii Holomua, Volume III, Number 3, 14 January 1892 — KAHAHA! NUI KE KUPANAHA!! [ARTICLE]

KAHAHA! NUI KE KUPANAHA!!

Ua lohe mai makou, no kekahi mea kupanaha i ouli iho maluna o kekahi Hoa Hanohano o ka Hale Ahaolelo i ke kakahiaka o nehinei iho la. Ua kaili ia aku la ia e na ao polohiwa a Kane, a noho ana iloko o ka Ua Haao o ia aina kaulana, a no ke ano ikaika loa o ke kuaua, ua hu-huhui ae la na makau a ka lawaia, a maluna malalo, maluna malalo kau noke ana i ke kupaka, a hiki i ka manawa i kena ai kekahi, a hoolei ka ukana o ka inaina. Aloha no paha—a kupanaha no hoi na hana a ke Akua, a hoea ae la malaila o Bolotosepa o ka Hui pakaha, a kaili ia aku la ua makamaka nei, me ka poina mahope i ka hale o ka puniu. O na Kahuna nana i puleumi i keia hana, he mau makamaka no ka Bila Lotere a Bila Aila. -