Hawaii Holomua, Volume III, Number 3, 14 January 1892 — KE ALAHELE POHIHIHI I KA Ka Welau Hema [ARTICLE]

KE ALAHELE POHIHIHI I KA Ka Welau Hema

MOKUNA XXII. KA MAHUKA ANA. Ua loihi ko Alama kakali ana no’u, me ka manaolana e hele aku ana au e ike iaia e like me ko’u rula mau. A no ko’u hele ole aku, ua hele kino maila oia e ike ia’u, no ka hoike ana mai i kekahi mea ana i makemake nui ai e hooko ia, a ma ka hope loa o ka maua mau kukai olelo ana, haalele iho la maua no ka mahuka ana ia manawa. O ka maua hana mua nae, oia ka hoomakaukau ana i ko maua mau lako o ka mahuka ana ma keia huakai maopopo ole —ka huakai hoi e hewa ole ai ke olelo ae, he huakai e waiho ai ke ola i hope a o na iwi hoi o kamahele i Kaea. O na mea ano nui no nae mawaena o ko maua mau wahi pono o ka hapuku ana ma ka’u hoomaopopo iho, oia no kuu pu-kaupoo-hiwi me kuu wahi pu-panapana punahele, ko’u mau hoa alo hoi mawaena o na inea a pau, a hoo- pakele hoi iwaena o na puu-make he nui, aka nae no kekahi manawa i hala ae, aole au i hoohana ia laua, aole nae o’u kanalua no ko laua oiaio a hooko i ka hana i na manawa a pau o ka pilikia o'u e makaukau ai. I ka makaukau ana o ko maua mau wahi opeope, huli ae la maua a puka like aku la iwaho e like me ka maua i hooholo maa ai, me ko maua mau waimaka e haloiloi ana i ke aloha no ko maua mau rumi moe ponoi. No ka mea, eia maua ke hele nei a haalele ia mau mea mahope, pela ka uluna a me ka moena, kahi hoi a maua e hiolani ai, ko laua mau luhiehu nani o kela a me keia ano no ka manawa hope loa, oiai o ke alanui a maua e lawe nei he alanul lewa a he maopopo ole ka pono; nolaila me na haaolelo aloha hope loa maluna o ko maua mau lehele- he, oili aku la maua iwaho a peki wawae aku la no ke ana kahi o na manu ope’ape’a i hoopaa ia ai. No kekahi manawa loihi mahope iho o ko maua hele ana me ka paa lima ana—na kaina wawae palamimo hoi i kiola ia a pau pono na alu, aia hoi hoea aku la maua me ka maalahi i ke ana kahi i hoopaa ia ai ua mau manu la, ka moku hoi a maua e manao nei e pailata aku iloko o ka lewa ma keia misiona weliweii, ina nae hoi e pono ana. Mamua ae o ko maua hoea ana aku i ka puka o ka pa-pohaku kie-

kie kahi i hoopaa ia ai ua mau manu ’la, he nui ka poe i halawai me maua ma ke alanui, aka nae aole kekahi o lakou i paa mai ia maua, o ka minoaka wale mai no, no ka mea aole loa lakou i moeuhane i ka ukana nui a maua e hii- poi ana iloko o ko maua naau ia manawa a maua e hele ana. A o kekahi no hoi, aole he mau komisina i loaa mai ia lakou e pili ana no ke kiai a me ka makaala ana no ke kiai a me ka makaala ana no maua, nolaila ua maalahi loa maua, a he hoike ana mai hoi ia i ka pololei o na mea a pau a Laila i hahai mua mai ai ia'u. Oiai maua e ku ana mamua pono o ka puka makaaha-hao o ka pa pohaku o na manu, o ka mea mua loa i kipa ae iloko o kou noonoo ia manawa, oia na noonoo o ka mea aohe ona puuhonua e pakele ai, no ka mea aole i maopopo ia'u ka loaa io ia’u o ka mana e noho haku aku maluna o kekahi o ua mau holoholona weliweli 'la, a he mea maopopo ole no hoi ka manao ana iho e hiki ana ia’u ke hookomo i na ili hoopaa i kekahi o ua mau manu ’la me ka pilikia ole; aka o na poino oia ano e kau mai ana maluna o’u, he mea ole ia i kuu manao, no ka mea he make ka hopena i manao ia e kau mai maluna o maua me Alama; nolaila aole a’u wahi e ae e alo ai, o ka hakaka wale aku no me keia mau alalai a pau. Ua ike no au i kahi a Laila i waiho ai i na ili hoopaa o ua ano manu ’la, nolaila o ka makemake me ka iini nui iloko o’u ia manawa, oia ka hiki ana e loaa kekahi o ua mau manu ape'ap'ea ’la.