Hawaii Holomua, Volume II, Number 188, 26 January 1892 — KA OLELO HOOHOLO A KE KOKONERO NO KA MAKEANA O KEOMAU. [ARTICLE]

KA OLELO HOOHOLO A KE KOKONERO NO KA MAKEANA O KEOMAU.

Ma ka auina ia Poakahi nei ua hoopuka mai ke Koronero i ka lakou olelo hooholo no ka mea e pili ana i ka make ana o Keomau, kela luina Hawaii o ka mokuahi Mikahala i make ai mamuli o ka ai hewa ana i kekahi pai i hapalaia me ka laau make. A penei ua olelo hooholo la: "Ke hooholo nei makou, ua loohia mai keia make maluna o ka mea i hala aku, ma ke kakahiaka o ka la 18 nei, mamuli o ka mala ana o ka opu a me ka naau mamuli o ka ai ana i kekahi pai i hapala ia me ka aila crotona ; a ke hooholo nei no hoi ua hapala naaupo o E. A. Strout, he puhi ahi no ka mokuahi Mikahala, i ka aila maluna o ka pai mamuli o ke ao ana mai a ke kakauolelo malama laaa.”