Hawaii Holomua, Volume III, Number 142, 19 January 1893 — KA MAKOU HOOHALIKE. [ARTICLE]

KA MAKOU HOOHALIKE.

Ma ka la 25 o Feberuari, M. H. 1843, ua haawi aku ka Moi Kauikeaouli i keia Paemoku iloko o ka poholima oka Haku Keoki Paulete ame ke Kanikela Berihinia Mr. Simpson no ka manawa,no BeriUma. malalo o kekahi mau kumu, mamuli oka mana ikaika i kauhola ia mai. aua huki ia ka hae Hawaii ilaio a huki ia ka hae o Enelani iluna o ka piahu hae ma ka Papu kahiko. Ma ka la 31 o lulai o ia makahiki no, ua uu hou ia ka hae o Beritania ilalo a huki hou ia ka hae o Hawaii iluna malalo o na ki pu aloha a me ka hoohanohano iae na hoa o ka moku kaua Beritania “Dublin,” a hoihoi hou ia aku la ke aupuni i ka Moi malalo ona kauoha a Adimarala Tamaki oke aumokukaua Beritania o ka moana Pakipika. Ma ka Poalua, la 17 o Ianuari, 1893, ua kukala ia he Aupuni Kuikawa no ka manawa no Hawaii nei. a ua kuahaua aku la ke Aliiaimoku Liliuokalam e waiho aku i Kona Nohoalii me Kana mau kumu kue. Poakolu la 18. ua haalele aku la ke Pooo ke Aupuni i ka Nohoalii o Hawaii a huki ia ilalo ka hae Kalaunu mai ka pahuhae iho oka puo’a o Halealii lolani, malalo o ka mana o keaupuni hou. l'oaha. la 19, haalele iho la ka moku Kalaudine i na kaiaulu o Hawaii nei no ka Ipuka Gula me na Komisina o ke aupuni hou ma ke ala no Wasinetona. e kuka pu me ke Aupuni o Atnerika Huipuia. O ka hopena. aole kakou i ike, o ke kali wale aku no. A e like me na oleio a Kauikeaouli i puanamai ai i kona lahui iloko o kona manawa o ka pilihua, pela no o Liueo kalanionamoku i puana mai ai i ka Poaiua. la 17 —"E o’u mau makaainana —e malama i ka maluhia, f hoolohe ina kauoha, mai kue wale aku a mai hana i na mea hoino wale. aka, e hoi ma na home, e noho rae ke aloha a me ka lokahi. e akahai ka naau, a e puie i ke Akua ka Puuhoi'.ua o Ke ao nei, a na ke au o ka manawa e puana mai ka hopena.” E ka Lahui Hawaii, o keia mau olelo ake Aliiaimoku, he momi makamae ia na kakou e hiipoi a e hooko mailani ai me ka poiua ole. “O ke aloha ka mea nui, aole o ka mohai!”