Hawaii Holomua, Volume III, Number 143, 20 January 1893 — HE LEO KAHEA A ME KA UWALO ANA. [ARTICLE]

HE LEO KAHEA A ME KA UWALO ANA.

Ia Iehova ke Akua Mana Loa Amene! E na Kahu Haiola a Iehowa a me na Haipule iloko o ka Haku Iesu Karisto mai Hawaii a Kauai. Ke kahea ia aku nei oukou e pelu iho na kuli ilalo a nonoi aku i ka oluolu a me ka lokomaikai o na Mana Lani. E haawi mai i na kokua ana no ka Lahui Hawaii, ke kuokoa o ke Aupuni a me ka mana o ka Nohoalii me ka welo ana o ka hae Hawaii ma kona mau kapakai, ia hanauna aku ia hanauna aku, iwaena o keia mau la omamalu o ka aina. Ma ke kauoha a ke Komite Haipule. J. Alapai. Kakauolelo. Honolulu, Ianuari 20, 1893.