Hawaii Holomua, Volume III, Number 158, 10 February 1893 — E ALU KA PULE IA HAKALAU. [ARTICLE]

E ALU KA PULE IA HAKALAU.

Ma na Ieta i loaa mai ka mokupuni mai o Molokai, aohe he oluolu ona makaaīnana e noho ana malaila no ke kulana hooponopono houe ku nei i keia wa, he mea hoi i a'e ae maluna o ka noho ana mua. No ia mea, ua malamaia he mau halawai lehuiehu ma kekahi mau halepule. no ka pule ana i ka Makua Lani. e hoihoi hou ae i ka Moiwahine Liliuokalani maluna o Kono Noho Kalaunu; a peia hoi me ka hoomauia ana aku i ke Kuokoa o Hawaii nei, ame ka welo haaheo ana o Kona Hae a hiki i ke Kanaka Hawaii hope loa. I'a hooiaio la mai ka ikaika o ke Aloha Aina, Aloha Lahui a me ke Aloha i ke Alii iloko o na makaainana o ua mokupuni loihi la; a.amuli o ka lakou mau hana. He hoopunii>uni ka oleloia, mai keia kulanakauhale aku nei na olelo nana i kaupale aku i na makaainana o Molokai ma kekahi aoao. a o ke aupuni kuikawa ma kekahi aoao, aka. oka mea pololei maoli oia ka Paulo i olelo raai ai, “Aole no ke koi ia mai. no ka makemake ae no.” Ma ka pule, ke huipu aku nei makou me na makaainana oke Aliiaimuku ma ka mokupuni o Moiokai, no ka mea, o ke kauaka aloha ole i kona Alii a me kona aina, aohe ona uhane.