Hawaii Holomua, Volume III, Number 170, 2 March 1893 — ROMELIA [ARTICLE]

ROMELIA

MOKUNA XVII. KA UI ROMELIA. Aole loa he mea nana e ke’ake’a aku iaia mai na hana ana pela, oia hoi ke komo pu ana iloko oka lanakila piha i haawi ia e ka moiwahine me ka huna ole iaia iho. Malia paha, aole oia i ike i keia huikala a ka moiwahine i hoopuka ai, nolaila oiai maka’u ai i ka hoike mai iaia iho? wahi a na luna aapuni i ninau mai ai. Aoie i maopopo ia'u ia mea, wahi a ke kavalia opio. Aka, e like me kona hilinai ana mai maiuna o’u, pela no hoi au e hilinai nei maluna ona a ke hoike aku nei au me ka oiaio. Aole loa he mana malalo iho o ka la e alohi nei, nana e koi mai ia'u e hoike aku i kekahi mea e pili ana nona. O keia ka mea oiaio loa imua ou e kuu haku, oia hoi aole loa e loaa mai a'u aku, oiai ke ole me a'u, kekahi mau mea e pili ana no Romelia e like me ka oukou e makemake nei. Aole anei e hiki ia oe ke hookapeke iki mai i kekahi mau wahi mea liilii, i hiki ai ia makou ke huli aku nona, e laa kona wahi i pee ai, a pela wale aku? Aole loa, wahi a ka pane. E hoomanao oe e ke kavalia opio. Aole o ka lanakila wale no ke haawiia aku ana ia oe. Aka he puu nui kekahi ma ke gula, ake pololei kau mau mea a pau i kuhikuhi mai ai, a loa hoi ua wahine powa la. Alaila, e poni ia aku no oe ma ke ano, o oe kekahi o ua keikiahi o Sicili nei. Ua haawi mua aku nei au i kau pane, e kuu haku, oia hoi aole he mana ma ka honua nei nana e koi mai e owaka ko’u waha no kekahi mea e pili ana i ua wahine powa la. Ina no e haawiia mai ka honua nei a puui no'u, aole no au e ae aku, wahi a Dou Alavareza me ka luli ole. Ke kaumaha loa nei au, wahi a ka lunakaunwai, no ka mea mamuli o kou paakiki ke manao nei au o hoihoi hou aku e hoopaa iloko o ka halepaahao, a hiki i kou manawa e ae ai e ho ike mai i ka mea oiaio imua o makou.