Hawaii Holomua, Volume III, Number 12, 18 March 1893 — ELAWELAWE A HOOKO AKU. [ARTICLE]

E LAWELAWE A HOOKO AKU.

He manawa keia no na Hawaii a pau e lokahi like ai, a i hookahi hoi ka lawelae like ana i ka hana no ko kakou pono iho. Mai nana aku kakou ia hai, aka, ia kakou iho no. Aia ko ke Akua kokua me ke kanaka e kokua ana iaia iho, aole loa hoi me ka mea i palaka a i hoomaopopo ole loa iaia iho. Pela ka HOLOMUA e uwalo aku nei i ka lahui–e hana kakou no kakou iho, i loaa ai ko kakou ikeia mai a me ko kakou pono; a i manao kakou pela, alaila, hookahi no pahuhopu oia no ko kakou laulima aku a lilo kakou a pau i mau hoa no ka Ahahui Pono Kivila Hawaii. Mai kuihe kakou a hopohopo, aka, e lawelawe a hooko aku i ka hana koikoi a ia Ahahui. Aia he ola ilaila. Imua kakou a lanakila.