Hawaii Holomua, Volume III, Number 206, 21 April 1893 — E LOKAHI A E HUKI LIKE. [ARTICLE]

E LOKAHI A E HUKI LIKE.

He mea ku i ka minamina no makou ka lohe ana mai i kekahi mau mea i ulu ae mawaena o kekahi mau Lede o ka Ahahui Aloha Aina a na Wahine Hawaii. Mamuli o kekahi wahi kumu like ole 0 na manao no ke kahua e loaa mai ai ka hopena i makemake ia, ua hoomaka kekahi poe e haalele i ka hana maikai a lakou i hoala wahine ai. Ina o ka hohonu iho la no ia o ko lakou aloha Aliiaimoku, aloha lahui a aloha aina, alaila, ua hele aku no a ka pau ana mai o ka ili nalowale. Ua pili keia i na mea a pau, i ka hanohano a me ka haahaa, ka waiwai a me ka ilihune. He pono e hooki ia keia mau mea a e hoolilo i ka manawa ma ka hana, alaiia, e puka molaelae mai ana no ka aina. aka. ina me keia e hana ai. alaila, he kumu kuia no ia no kakon a pau, mamuli o ka hikiwawe o na manao uluku o kekahi poe kakaikahi no ke ko ole o ko lakou makemake. He mea ku kaia 1 ka minamina, aka, ke manaoiana

□ei mikou he oiaio ka mea i lohe ia mai, oia hoi. ua “lana malie ka wai i Haaola” a ke huki like nei ua Hui kaulaoa nei me ka holomua.