Hawaii Holomua, Volume III, Number 18, 29 April 1893 — KUMAKENA WALOHIA WALE. [ARTICLE]

KUMAKENA WALOHIA WALE.

E ka "Hawaii Holomua —e; Aloha oe; Ua uhi iho ka naulu oka luuluu Kumakena maluna o’u mamuli o ka ukana a ka luuluu o ke aloha, ka puolo waimaka a ka onohi. a eia ke kulu nei me ka hoopulu ana i ko'u mau papalina, a nolaila au i haku iho ai i keia kanikau nou e Keliikanakaole: Kanikau aloha keia nou e Keiiikanakaole Kuu wahine mai ke one kani o Nohili e Mai ka wai alualu a ka malihini Auwe kuu wahine, kuu wahine e Kuu wahine mai ka hale Ohai o Mana I kukulu ia e Uwelekehau Auwe kuu wahine, kuu wahine e A he hale hoeha na ko laila kupa Ke aka oka Ohai me ke Kawelu Auwe kuu wahine. kuu wahine hoi e Haoeoe ka Ainakea Kiliopu ke Kaunaoa Auwe kuu wahine, kuu wahine hoi e Paa ka hale a ka Liula i Kaunalewa Auwe kuu wahine hoi—a Nana kamahele ia Papiohuli E huli aku ana au ia oe e Ka wahine Aole oe e loaa ia’u ua hele malu Auwe kuu wahine. kuu wahine hoi Malu ai na Niu o Waiakealalo Po mau Kaunalewa i ke ehu-kai Auwe kuu wahine, kuu wahine hoi e Kuu wahine mai ka Ohiki haehae kapa o Waiolono O na koa hoi o Malaekoa i Aiuaike Po Maluaka i ka noe Loa ke kapa pili o Kahelu Helu mai Limaloa Auhau paumi ka hale Auwe kuu wahine, kuu wahine hoi e O ke kua-nalu o Welehu Ka malama ino iloko o Kaelo E loku ai ka ua a ka Waahila He aloha keia i ka leo I ka pa iki ana mai lono a'u Hoi au nana o ka wati moe poli Aole ido nei kuu lei rose I mau aku ai hoi o ka noho ana Auwe kuu wahine, kuu wahine hoi e Maraki 29. J. D. OKUU.