Hawaii Holomua, Volume III, Number 20, 13 May 1893 — HE MAU NINAU. [ARTICLE]

HE MAU NINAU.

Ke ninau nei makou ia Bihopa ; Opukahelu a me kana mau haia na Iai?upa. maluna o kekahi kahua a lakou e painuu mai nei, a ke makemake nei e pane pololei mai me ka oiaio, aole ka hoao e alo ae a*e hunahuna iho, a penei ka makou mau ninau: 1. Aole anei i hookae ia ka Lahui Uawaii i ka manawa o ka hookahuli Aupuni ? 2. Aole anei i nanakee ia ko ke kanaKa Hawaii lunaikehala ma na mea e pili ana ika hookele ia o S kona oue oiwi? 3. Aole anei i upu ia, a i olelo ia, a i hoaoia ia, e hoonele loa i ke kanaka Hawaii me ka mana koho? 4. Aole anei i hoao ia e hoohoka ika Lahui Hawaii mamuli o ka ae ole ia ana o ko ke Aliiaimoku mau Elele e holo aku maluna o Kalaudine no ka Ipuka Gula o Kaleponi? 5. Aole anei i miki a mahaoi awiwi na Komiaina hoohui aina i \Vas!netona no ka manao ehooholo koke ia ana kela kuikahi kumakaia mamua o ka hoomaopopo ia ana o ka mea oiaio imua o ka Lahui Amerika? 6. Aole anei i hookaulana ia aku ka Lahui Hawaii ma ke ano he poe hupo, he hoomanakii, he lapuwale a hiki oīe ke hilinai ia no ka hookele ana i ko lakou Aupuni? 7. Aole anei i keia manawa ke koi mai nei uao Bihopa Opukehelu a me kona mau paalalo e kakau inoa aku ka Lahui Hawaii i ka lakou palapala kumakaia? 8. Aole anei no ko lakou ike a hoomaopopo i ko lakou hoka, a me ka hilinai piha o ka Lahui Amerika i ka Lahui Hawaii, ko lakou kumu ia e hoomalimali mai nei e maliu aku ka Lahui a lakou i hookae mua ai? 9. Aole anei i maopopo aole loa e hoohui ia ka Paeaina Hawaii ia Amerika ke ole eae molaelae aku ka Lahui Hawaii ia mea? 10. Aole anei iloko ona ki pu a me na hoopaahao ia, ua noho ka Lahui Hawaii me ka malama i ka maluhia, me ke kali akahai ana me ka malama i ka leo o ko lakou Aliiaimoku, me ko lakou pule mau e kau hou Oia ma Kona Noho Kalaunu?