Hawaii Holomua, Volume III, Number 266, 21 July 1893 — AU AKU LA I KE KAI. [ARTICLE]

AU AKU LA I KE KAI.

Ua au aku la o W. B. JoneB i ke kai loa a hoea aku i ka aina gula o Kaleponi, me ka lohe mua ole ia e kona mau pokii a me na makamaka, he leta nae kana i waiho iho mahope nei, e hoike ana, ua haa» lele iho i ka aina hanau nei mamu* li o na hana nanamaka a hookae a ke Aupuni Pi Gi. Oiai he keiki makaukau a he loea ma kekahi mau oihana lehulehu, he mea kanalua ole, aia no ka pomaikai ke aali mai la iaia ma ka aina malihini.