Hawaii Holomua, Volume I, Number 14, 23 December 1893 Edition 02 — WAIHO I KA HANA NO KE KUMU. [ARTICLE]

WAIHO I KA HANA NO KE KUMU.

Ma ka la 18 o keia mahina, ua waiho aku au i ka hana Makai kiai no Kawa malalo o kekahi kumu,—oia ko’u ae ole e kakoo i ke aupuni kuikawa. He 11 ko’u mau poe hoa iae e | kakoo i ke aupuni hou, a eia ; iho ko lakou mau inoa : Manuela, Beni Pakeekee, Davida I Kama, John Namoolani, Geo. Haliala, Kaaona, Baba. Iosia. , Wm. Thompson, Keolanui. Kulukulualani. O ke kumu o I ko’u ae ole ana e kakoo i ke au- | puni kuikawa, oia no ko’u aloha ika Moiwahine, ka aina I hanau ame kuu mau hoa o ka Lahui oiwi. O keia ka’u hoike oiaio me ka hookamani I ole. Ji’N'E Wm. Kaualua.

; Ke noi ia aku nei na Kanaka Hawaii e hookaawale loa mai kahi aku a na Koa o Amerika e hooko ana i ka hana ma ke kauoha a Komisina Wilisi, —a aole hoi e lawelawe i na pu a me na mea eha o kuhikuhi wale ia mai ua hihia pu oukou iloko oia mea. E hoolohe a e hoomamao.