Hawaii Holomua, Volume I, Number 21, 2 March 1894 — Na Inoa Pe-Grana. [ARTICLE]

Na Inoa Pe-Grana.

______ I a hoopuka mai ka nupepa h<x)hui aina' Hoku” a na PeGana, no ka hoololi a me ke kapa ana i na inoa o kekahi mau walii o Hawaii nei. i mau inoa hou e like me ko lakou makemake iho, oiai na inoa kahiko e ku nei i keia manawa, no ke Aupuni Moi ia, a ua hala kona au. a he |>ololei ole no ke aupuni Pe-Gana ka ae ana e hoomau ia ko Hawaii inoa aina ma ke kahea i ka inoa makuahine o keia lahui. Eia ka makou e hoomaikeike aku nei ika lehulēhu. Ina 0 keia ka makemake o na PeGana e hoololi inoa, heaha ke kumu kauoha ole ae o ka Ahakuka P. G. ia J. T. Walakahauki, e liool<»li koke ia kela inoa Moiwahme e kau nei ma ka ipuka o kona hotele hoolimalima ma ke alanui Nuuanu, oiai, ua hoopau ia ka Moiwahine i kela makahiki? Heaha ke kumu kauoha ole ia o Kuhina Kalaiaina John Thomas King [Moikane], e hoololi koke oia i kona inoa e kapa ia nei, a e kahea ia ma ka inoa o ko lakou aupuni—Kuhina Kalaiaina John Thoraas Hoohuiaina, 01 i ua make o Kalakaua ka Moikane? Heaha ke kumu holoi ole ia o ka inoa “Na Mokupuni o Hawaii,” a e kapa ia ka “Mokupuni o na Puali Aihue?” O keia na haina pololei e piha {>ono ai ka opu ai-uwala-kahiki o na powa, a e lawa ai hoi ka lei hanohano o ke kuakoko i hanau ia mai ai ke aupuni Pe-Gana malalo o na hana poholalo, na halawai ohumu malu, aihue, a me ka pakaha i ka noho aupuni lahui ana o keia Paeaina o Hawaii nei. Ula-la-hehol