Ke Aloha Aina, Volume I, Number 1, 25 May 1895 — Page 5 Advertisements Column 2 [ADVERTISEMENT]

NA HOOKA-AU —:O KA:— MANAWA. Mei 20, 1895. O ke Kau Kuikawa o ka Ahaolelo, e hui ana ia ma ka la 12 o Iune ae nei. O ka ninau ano nui e lawelawe ia ana i keia kau, oia no ka mea pili i ke kanawai no na aina. O ka manao nui o ke aupuni e wehe i na aina aupuni waiho wale no ka noho hookuonoono ana ma ke ano loa. O na aina e haawiia aku ana, he like ole na ano. a ua kupono no na ano hana like ole. O na aina hanai holoholona, aina kope, ko, a me na hua-ai, a me na aina kupono no na ohana mahiai, a me na pa hale, e waiho ia aku no ia ma ka makete. Ina i holopono ke aupuni ma na mea i haawi ia, alaila, he mea maikai loa ia i kupono loa i na mea o ka ninau o keia "wa nele," e kau nei maluna o ke anaina holookoa. Aka, o ke kupono ana o ka aina no ke kope a no ke meli guava, hookahi mea pono loa oia no ke kukulu ana i ka Enamakani e hoolawa ai i ka hu' i ana i ka wai no na aina. E kuai aku ana makou i ke ano Enamakani maikai loa, e like me ke ano e ikeia nei ma ka Lunalilo Home, a o W. O. Smith ka mea i kauoha mai ia mea, ua haawi mai i kona mahalo nui. Oiai makou e kamailio ana no na aina, ua hoomanao ae e kuai aku ana makou i na Uwea Pa. Ua kupono keia no na pa hanai holoholona, a ua loaa nui na kauoha i na la a pau. Oia mau uwea ua uhi ia me ka hao kepau, ua kupono ia i na ano kau a pau loa. Oia ke ano (Jones Lock Fence) uwea makepono loa i hookomoia mai i Hawaii nei, a i ikeia kona maikai. The HAWAIIAN HARDWARE Co., Ltd. I KA LEHULEHU. Ua wehe ae nei au i koʻu keena ma ke alanui Petela, Helu 113, Honolulu, he mau Waiwai ano hou e pili ana i na MEKINI HUMUHUMU, a na na Mekini e hana i na ano hana a pau i oi ae mamua o na Mekini e ae e hoohana ia nei i keia mamua. KE KONO AKU NEI AU i na makamaka e kipa mai ma koʻu keena nei, a e ike kumaka no oukou iho i keia ano MEKINA HELU EKAHI a SINA, nona ke kaulana i haawiia na makana he 54 ma ka hoikeike nui o Kikako, Ill. a i papalua ia hoi na haawina holomua mamua o na ano Mekini e ae. E kipa mai, a loaa na Mekini helu ekahi no ko oukou mau home. B. Bergsen. my 20—6ms.