Ke Aloha Aina, Volume I, Number 1, 25 May 1895 — Ka La Hanau o Vitoria. [ARTICLE]

Ka La Hanau o Vitoria.

O ka la 24 ae nei o Mei nei, oia ka Poalima o keia pule, oia no ka la i hanau mai ai o Victoria, ka Moiwahine kaulana o Beritania Nui me Irelani, a Emeperesa hoi o Inia holookoa ma Asia. Ua nui ka mahaloia a me ke ohohia ia o keia Moiwahine e kona lahui Pelekane, a me na lahui e ae o ke ao holookoa. Ua waiwai loa ka noho ana o kona au hoomalu aupuni no na makahiki he hapalua keneturia a oi aku. Ke ola nei oia a e piha ana kona mau makahiki i ke 76 i keia Poalima ae. Loihi ke ola na ke Akua, oiai ua ike oia i na keiki a kana mau keiki a hiki i ke kuakahi e ola nei. Ke kanaenae ae nei makou i na pule e ola loihi ka Moiwahiae Vitoria. E hewa ana ka maka i ka nani o Aipo, ke hiki aku i ka la Sabati ae nei; no ka mea, e uo ia ana ma Kohala, o Miss Estella Kaina o Kahua, me Mr. J. Hind.