Ke Aloha Aina, Volume I, Number 2, 1 June 1895 — Kaumaha Luuluu [ARTICLE]

Kaumaha Luuluu

Ua hala, ua nalo, ua haalele mai i keia ola ana a hoi aku la ma ka home mau o na mea a pau o Mr. J. W. Okuu, ma ka hora 7 ponoi o ke ahiahi Poakahi nei, Mei 27, 1895. He hookahi makahiki ka loihi o kona kaa ana i ka nawaliwali ma ke kino, a he "akepau" kona ano mai nana i hoomailo loihi a hala wale aku la no ma kela aoao. Mahope aku o ka Luakini *Hoole Pope" o Kawaiahao kona home, a malaila no ia a niau aku la i ke ala hoi ole mai. Ua hanau oia ma Waialua Oahu nei i ka makahiki 1828, a hiki mai i keia la, ua piha iaia na makahiki he 67 me na la keu o ka hanu ana i na ea o Hawaii, a hala wale aku la no. He kanaka kulana haahaa kona mau helehelena ke nana aku, he oluolu, heahea !okomaikai, ike oihana a hookipa mallhlni oia, oiai kona mau la e ola ana. He Kahu oia no ka Moi Kalakaua i make, mai ka wa i pii ae ai o ke A!ii ka Moi Ka!akaua maluna o ke kulana Kalaunu no ke Aupuni Alii o Hawaii a hala aku Oia, pela iho la ka loihi o kona noho Kahu ana malalo o ke Alii Kalakaua. He hooko pono oia i na kauoha a me na lawelawe hana ana a pau a ke Alii, oiai kona mau la e noho ana ma ke Kalaunu hooponopono Aupuni. Ua haalele iho oia i kona mau ohana, a me ka nul o kona mau hoaloha ma keia aoao e paiauma aku i ke aloha paumako me ke kaumaha luuluu o ka naau i ka wa a ka anela i lalau mai ai i kona kino a lawe ia aku la i ke ala hoi ole mai. Aloha no! Na ke Akua no i hana mai a nana no i lawe aku. He 3 3-8 keneta ke kumukuai o ka paona kopaa ma Kapalakiko. Nui no kela. E holo ana o Calaudine i ka Poakolu, Iune 12, no kona mau awa mau e holo nei, ma ka hora 5 p. m., a e ku hou mai ana oia ma Honolulu nei, ma ke kakahiaka Sabati, Iune 16.