Ke Aloha Aina, Volume I, Number 2, 1 June 1895 — Ka Haawina Kula Evanelio no ka Laia Ekalesia o ka Ekalesia o Lesa Karisto no na Poe Hoano o na La Hope Nei i Hoonohonoho Hou ia. LA O KA HAKU, JUNE 9. 1895. Haawina Kula-Oihana 20: 1-38. [ARTICLE]

Ka Haawina Kula Evanelio no ka Lala Ekalesia o ka Ekalesia o Iesu Karisto no na Poe Hoano o na La Hope Nei i Hoonohonoho Hou ia.

LA O KA HAKU, IUNE 9, 1895.

HAAWINA KULA - OIHANA 20: 1-38,

KUMUMANAO - Huakai hele i Helene. NA MANAO NUI - (1) Ka Paulo huakai i Helene; (2) Kona hoi ana mai ma ke alahele ma Makedonia ame Teroada; (3) Ka huakai moana a Paulo i Mileto; (4) Ka Oleloao a Paulo i na Lunakahiko o Epeso. MANAWA - A. D. 57, NA WAHI - Helene, Pilipi, Teroa, Aso, Mitulene, Terogulio, Mileto, NA ʻLII - Nero, ka Emepera o Roma; Anekonio Pelike, ke Alii-Kiaaina o Iudea. PAUKU GULA - Oihana 20:27 PAUKU PANAAU - Oihana 20:23. WEHEWEHE ANO. Pauku (1). Haunaele: Na Demeterio i hooulu i keia haunaele. Pau keia haunaele, pau ka Paulo haiao ana ma Epeso, a hele oia i Makedonia. (2) Helene: O Helene Hema keia. (3) Noho iho la malaila ekolu malama. Me he mea la ma Korineto o Paulo i noho ai. E nana, I Korineto 16:5. Ua kakauia ka palapala a Paulo i ko Roma mai Korineto mai. Hoohalua aku la na Iudaio: Manao na Iudaio e hopu maoli iaia a paa, ma ka wa paha ona e kau ai maluna o ka moku; ike o Paulo i keia mea, a hoi oia ma ka aina, ma Makedonia. (4) Hele pu aku la me ia, Sopatero, Arisetareko, Sekunedo, Gaio, Timoteo, Tukiko me Teropuna. Hele aku nae keia poe mamua o Paulo a hoea i Teroada, a malaila lakou i kali ai no Paulo, (5) Kakali iho la maa Teroada no makou: Ua manaoia o Luka kekahi me Paulo ma keia hele ana. O Luka ka mea nana i kakau o Oihana, a o na huaolelo "no makou" i hoikeia ma keia pauku, ua pili pono ia i ka mea nana i kakau, ame Paulo, ame kekahi poe e ae. (6) Pau na la o ka berena hu ole: Mahope iho o ka ahaaina Moliaola. Poalima: Iloko o elima la ke ano. He ino paha ke kumu o keia kaʻulua ana o keia huakai. E nana Oih. 16:11. (7) Ka la mua o ka hebedoma: O keia ka la Sabati Karistiano o keia wa; ka la keia mahope iho o ka la Sabati Iudaio. E wawahi i ka berena; E malama i ka ahaaina a ka Haku, (9) "Mai ke kolu o ka papa mai:" He hale keia o ekolu hale ke kiekie, no ke kolu o ka hale keia olelo ana, ''mai ke kolu o ka papa mai." "Ua make:" Hoike maopopo o Luka ma keia wahi i ka make maoli ana. A o kona hoola hou ia ana, he hana mana auanei ia. (9) "Kanaka hou." He kanaka opio. (10) Eia no kona ola maloko ona: Mahope iho keia o ko Paulo puliki ana iaia. (11) Pii hou aku la ia: I ka rumi maluna. Wawahi ae la i ka berena: O Paulo wale no kai hoikeia maanei e wawahi berena ana, nolaila, ua manaoia, he ai maoli ana keia a Paulo, aole he ahaaina a ka Haku. (12) Holo * * * aku la i Aso: O Luka a me na hoahele e ae o Paulo, kau lakou maluna o ka moku a holo no Aso, a hele wawae no o Paulo mauka o ka aina. He 20 mile ke kaawale o Aso ma ka hema akau o Teroasa. Ma ka moana hoi he aneane 40 mile: (14) Mitulene: O ke kulanakauha!e alii keia o ka mokupuni o Leseho, ma ka hema aku o Aso. (15) Kio: He mokupuni keia ma ka hema aku o Lesebo. Samo: Ma ka hikina hema aku o Kio. Aia mawaho ae o na aekai o Epeso. Terogulio. He kulanakauhale keia ma Asia Uuku, ma ka hema iki aku o Epeso, Mileto: He 40 a 50 mile mai Epeso aku. (16) E holo ma Epeso ae: E holo loa no me ke kipa ole ma Epeso: O ke kumu o ko Paulo manao ana pela, oia kona makemake e hiki i lerusalema ma ka la Penetekota. (18) A hiki lakou i ona la: Na Lunakahiko mai Epeso mai. Ao aku o Paulo ia lakou: Mai ka la makamua: He ekolu makahiki i noho ai o Paulo me lakou. E nana Pauku 31. (19) Malama ana aku i ka haku: E hooko ana i na hana o kana oihana Aposetolo a me kana mau hana ponoi iho. A me ka waimaka. Me na waimaka he nui. E nana pauku 31. Pilipi 3:18 2. Kor 2:4. O keia mau waimaka o Paulo aole ia no ka makau i na hana hoohalua a na Iudaio; aka, no kona ike ana i ka hookaulua ia ana o ka hana a ka

Haku e ia mau hana. (20) Aole hoi au i huna i kekahi: Aole oia i kanalua iki i ka hoike ana i na mea pono no ke ola. Ua hoike au ia oukou: Ma ke ao aku imua o ke akea a ma kahi akea ole hoi. (21) Hoike pono: Ua kaheaia o Paulo i hoike ike maka no Karisto. Nolaila, ua hooikaika nui oia e haiao aku i na kanaka e manaoio ia Iesu Karisto, a e mihi i ko lakou mau hewa. (22) Paa aku nei ma ka uhane: Paa ka manao e hele aku i Ierusalema. Aole nae au i ike i na mea e loohia ai wau ilaila: Ua ike no nae oia e loaa ana no he mau popilikia iaia, aka, aole nae i maopopo iaia ke ano ano o ua mau popilikia ala. (23) Hoike pono mai ka Uhane Hoano (Hemolele) Mamuli paha o ka olelo hoike pololei mai ka Uhane Hoano mai a iaia, a i ole, ma o na hoahanau la paha o ka Ekalesia i halawai pu aku ai oia ma loko o na kulanakauhale he lehulehu ana i kaahele aku ai. (24) Aole hoi au e manao: Aole oia i hopohopo iki no ka hele aku i lerusalema, e like me kona aʻo ia ana mai. Aole no hoi e manao wau he mea makemake noʻu kuu ola: Aole ona minamina i kona ola iho, oi aku kona minamina i ka hana a ka Haku. Maopopo iaia, o ke ola i hooliloia no ka hana a ke Akua, ma ka wa hope e loaa ana ka maha ame ka hauoli. Hookahi no mea ana i hopohopo nui ai, o kona kupaa ole mamuli o ka hana a ka Haku. (Ka oihana i loaa mai iaʻu. E nana ma Oihana 9:15-17. (25) Aole e ike hou ia koʻu wahi maka. Ma keia e maopopo ai, aole o Paulo i manao e hoi hou mai i Epeso. E nana nohoi Pauku 38 : (26) Ke hoike aku nei au ia oukou: O ka pololei, "Ke lawe nei au ia oukou e hoike aku." Ua maemae au: Ua hooikaika nui o Paulo ma ka haiao ana imua o na kanaka i halawai pu aku ai oia. A ina e loaa ole ia lakou ke ola, aole maluna o Paulo ka hewa o ko lakou poino ana. (28) E aʻo hoi oukou: Maanei ua aʻohou aku o Paulo i na Lunakahiko e kiai makaala no na mea hoopoino e hoopuni ana ia iakou, a e kiai hoi i ka ohana hipa apau, oia ka Ekalesia. Poe kiai: Ma ka olelo Helene, he Episkopous, poe Epikopo, oia hoi, he poe Lunakiai, oia no na Lunakahiko. No ka Uhane Hoano mai ka mana i loaa ai ia lakou e noho kiai maluna o ka Ekalesia. E hanai. E aʻo ana i ka oiaio apau o ka Evanelio, oia ka ai uhane. Kuai ai: Ua oleloia i kahi wa, ua kuai ia ka Ekalesia me kekahi kumukuai. E nana ma 1 Kor. 6:20, 7:23, 2 Petero 2:1 (29) Na iliohae ino loa: Ua lilo ka mamala olelo, "na iliohae" ma keia wahi, i mea hoike i na enemi o ka Ekalesia o ka Haku, ka poe e makemake ana e hoohiolo iaia (Ekalesia). Hoike aku o Paulo i keia mea. (30) kekahi poe kanaka no oukou ino: He poe no keia iloko o ka Ekalesia, a oia poe auanei ke alakai hewa aku ana i kekahi poe o loko o ka Ekalesia mai ka manaoio pololei aku. Na mea hoopunipuni: Na mea i kue e ke ao Karistiano oiaio ana: (34) Hookauwa mai keia mau lima; Hoomaopopo o Paulo imua o lakou, no kona hana ana me kona mau lima ponoi iho, i mea nona e pono ai, a pela hoi kekahi poe e ae. NA NINAU NO KA HAAWINA I hea o Paulo i hele aku ai, mahope iho o kona haalele ana ia Epeso? Heaha ke kumu o kona hoi hou ana mai, ma ke alahele mai o Masedonia? Owai kai hoi pu mai me ia i keia hoi ana mai? Mahea i hoola ai o Paulo ia Eutuko mai ka make mai? I hea o Paulo i hele aku ai mai Peroada aku? Pehea kona hele ana? Pehea hoi ka hele ana o kona mau hoaloha? E hoike mai i na wahi ana i hookaʻulua ai mawaena o Aso ame Mileto? Owai kana i kauoha aku ai e hele mai, mai Epeso mai? Heaha ko lakou mea i kauoha ia aku ai? Heaha kana i hoike ai no ke ano o kona noho ana mawaena o na poe hoano ma Asia? Heaha kana i hooikaika ai e aʻo? Ia wai oia i hoike aku ai? Heaha kana i olelo ai no kona hoi hou ana aku i Ierusalema? Pehea la kona manao no ka popilikia e kau mai ana maluna ona, mai ka mea e pili ana i kona hele ana aku i Ierusalema? Mai ia wai mai, i olelo ai o Paulo, no ka loaa ana iaia o ka Euanelio? Heaha na huaolelo a Paulo i olelo ai, i kaumaha loa ai na poe hoano? Pehea oia i aʻo aku ai i na lunakahiko o ka Ekalesia e makaala? Heaha na popilikia ana i olelo ai e loaa ana i ka Ekalesia mai waho mai? Heaha hoi na popilikia maloko ponoi ae o ka Ekalesia? Pehea ka loihi o ko Paulo paahana ana ma Epeso?