Ke Aloha Aina, Volume I, Number 4, 15 June 1895 — Holomua no ka Bana Lahui. [ARTICLE]

Holomua no ka Bana Lahui.

Mamuli o na hoike i loaa mai ma ka mokuahi Mariposa o ka Poaha nei, Iune 6, ua hoohalawai ia ka Bana Lahui Hawaii me na ulia pomaikai o ka holopono, a me ka laki hoi iloko o na wehe ana he umi po maloko o ke kulanakauhale o Kapalakiko. Ua papahi ia na keiki puhiohe e ka mahalo ia e na nupepa oia mau aekai, a ua kapaia: Ka poe puukani mele o Hawaii. E haalele ana ka Puali Puhiohe ia Kapalakiko no San Hose, e hoolawa i na kono i noonoo ia mai ia lakou. E uniki aku ana lakou i Los

Angeles, he wahi ia aia ma ka aoao hema o ka mokuaina o Kaleponi, a mai laila aku no ka hikina. He huakai hele ka lakou no Amerika a hala loa aku i Europa.