Ke Aloha Aina, Volume I, Number 4, 15 June 1895 — Ka La o Kamehameha! [ARTICLE]

Ka La o Kamehameha!

Ua hoea mai ka la 11 o Iune, 1895 me ka hauoli nui, a me ke ohohia la hoi e na puuwai o Hawaii. Ua piha kui na kaa alanui lawe ohua a me na ano kaa no a pau loa, me he la aia paha ma kahi o ka 7000 kanaka a oi i hiki aku i Kapiolani Paka. Mai ka hoomaka ana a hiki i ka pau ana o na hana heihei o ka la, ua [illegible] a paulehia na kanaka i ka hoopapa no kela a me keia heihei ana, me ke ake hoi e loaa na ulia pomaikai o ka laki, ma na hana hui pono no ka la kulaia kaulana. O kekahi poe ua laki no; a o kekahi hui, ua kahi aku la ka neo, aka, ua hooko ia nae ke au a ka makemake. NA HEIHEI O KA LA. 1. Heihei Kaa Hehihehi Wawae - Eo ia Atkinson opio. He Medala Gula ka makana, he $20 ka waiwai io, pahu holo hookahi mile. 2. Heihei Kaa Hehihehi Wawae - Eo ia Dexter. He Medala Gula ka makana, he $30 ka waiwai ia, pahu holo he elima mile. 3. Eke o Honolulu, he $200 - He heihei lio. Eo ia Autonomy. 4. Eke o na Poe Kalepa, he $300 - He heihei Kaa Holo Kiauau. Eo ia Ben Lee. 5. Kiaha a ka Hui Mokuahi Oceanic, he $150 - Heihei o na Lio Hawaii. Eo ia Billy C. 6. Kiaha Heihei Rosita, he $250 - Heihei Lio. Ina e eo ka makana holo o Angie he 1, 45 1/2, alaila paku hou ino he $50 manuahi - Eo ia Amarino, manawa holo, 1, 45 1/2. Aole loaa ka uku makana. 7. Eke o Kapiolani Paka, he $250 - Heihei Lio Kaa Kiauau. Eo ia Sicky. 8. Eke Heihei Lio, he $100 - Heihei Lio Luhi. Eo ia Little Billy. 9. Eke Kuikawa, he $150 - Heihei Lio. Eo ia Magnet. 10. Eke o ka Hui Heihei Hawaii, he $150 - Heihei Lio. Eo ia Billy [illegible]-ton. 11. Kiaha o Peresidena [illegible] he $150 pakui - Heihei Lio. Eo ia Amarino. O ka panina keia o na hana o ka la a ua hele a ahiahi loa pau ka heihei ana. No ka lohi o na lunakanawai a me ka puiwa o na lio ke kumu.