Ke Aloha Aina, Volume II, Number 45, 7 November 1896 — KE KOHO PERESIDENA MA HONOLULU NEI [ARTICLE]

KE KOHO PERESIDENA MA HONOLULU NEI

Elike me na hoolala ana a na poe Amenka ma Honolulu i nei, no ka wae a koho ana i kalakou Per€sidena i makemake a', ua -hookaawale ia ka Halekuai Buke o Taramu, e ku nei ma ke Alanui Papu, i wahi no na balota a na poe koho e hookomo ai I ka lakou moho i makemake ai, a eia iho malalo nei na balota i hookomo ia no kela a me keia mo&o i makemake ia. Ma ka hora 7 o ke ahiahi Poalua nei, i pau ai ka helu ia ana ona bal#ta, ahe 548 ka nui o na balota i komo iloko o ka pahu balota, a penei iho ka hoonohonoho anao na balota o kela a me keia moho i komo iloko o pahu mai ka hora 8 mai o kakahiaka, a hiki i ka hora 5 o ke ahiahi. MaKinile me Hobata 313 Bryan me Sewa!l 203 Bryan me Watson 13 Paimer me Buckner 9 Levering 9 Huikau 1 Huina 548 O keia iho la ka hopena o na hana koho balota ma Honolulu nei, aua maopopo, me he mea la, o Ma-Kinile, a i ole o Bryan paha ka mea i kohoia aku ia i Peresidena no Ameri ka, no keia 4 makahiki ae e hiki mai ana.