Ke Aloha Aina, Volume II, Number 48, 28 November 1896 — NA ELELE O KA PAEAINA. [ARTICLE]

NA ELELE O KA PAEAINA.

Mai kela pule mai a hiki iho la i ka Poakolu nei, ua pau akoakoa mai la ka hapanui o na Elele mai na Mokupuni mai ma na mokuahi mai nei o keia mau la. Ua huipu makou me kekahi poe o lakou, me na lululima pu ana iloko o ka hauoli o ka manao. Mai ka apana mai o Hilo Hanakahi, he Elele wahine kekahi, a pela paha me kekahi mau apana e ae. He hoike ana mai keia i ko ka lahui lo kahi ma na hana e holomua ai ko kakou aina aloha, ka mea hoi a kakou e paio mau nei i na wa a pau. O ka makou wale no e kahoahoa e aku nei i na Elele a ka lahui, e noonoo a wae i ke kanaka kupono nana e kiai a makaala i ko kakou mau pono, i kanaka makaukau a hilinai ia, a pela auanei e holomua ai ka oukou wae ana i ka Peresidena, nana e alakai i na Ahahui lala Aloha aina apuni ka Paeaina.