Ke Aloha Aina, Volume VI, Number 12, 24 March 1900 — Untitled [ARTICLE]

Aole no e holo koke ana ka Bila Hawaii, a hiki i keia mahina ae o Aperila. Aia no iloko o ka Hale o na Lunamakaainana i keia wa. Ma ka Poalua Aperila 8, e lawe hou ia mai ai ka noonoo ana, a e paio ana ka Hale maloko oia mau la elua, a ma ka Poaha, Aperila 5, hora 4 p. m, e kohoia ai no ka hooholo loa ana i na hoololi. Ua holo o Keo Kaaka i mea kuaki a hoonaukiuki loa ia e lakou nei. Ua manaoia na Keo Kaaka e noke mau aku nei i ke kakau ia Senatoa Petiguru a me kahi mau Senate e ae, me ka hahai aku i na mea i hanaia, mai ka wa mai i holo ae nei ka hoohui ia mai Augate 12, 1898. Ka nui o na Kepani a ke aupuni i hookomo mai ai mai ia wa mai, i aneane e 30,000 ka nui a me kahi mau mea e ae no e pili ana ia kakou o anei. Ke hooili ia nei na Keo Kaaka keia mu hana, na Limaikaika nae i hoike mai nei ianei; a o ka ko anei poe hoi ka hao ana ae nei i ke pai i ke kii o Keo Kaaka iloko o ka nupepa Avalataisa, me ka manao i mea e hoohilahila ai i keia kanaka manao kuokoa; he kanaka Amerika oiaio o Keo Kaaka i hilahila loa a makemake ole i na hana lapuwale i hana ia e kona poe o ka lahui hookahi a me kona poe hoaloha ponoi e noho pu nei maanei; a pela ola i haalele aku ai i kona noho lawelawe oihana pu ana me lakou nei, a ke noho hana nei oia nona ponoi iho. O ka haawi a haawi ole i uku hoomau no ka Moiwahine oia kekahi o na hana a ka Aha Senate e paio mai la. Hilahila ole no hio o Amerika, me ka ike iho ka, aole i lilo o Hawaii nei ia lakou ma ka pono a me ka pololei maoli e like me ka loaa ana ia lakou o kekahi mau wahi e ae. Aka, o keia pakaha lima nui, a hao waleia aku me ka ae ole ka lahui. I hookuu aku ka Moiwahine i ke aupuni ma ke ano na lakou hoi e hooponopono mai. Keu maoli no paha ka lahui puuwai

eleele lokoino nui wael he Amerika. O ka mea pololei maoli no, e hoihoi mai no ke kuleana ponoi o ka Moiwahine a me ka lahui. Kupanaha o na kupanaha! Pau la ka miliona dala i ka amu ia e ka bubonika, pau no ke dala, pau ka bubonika, pau no hoi ka bubonika, pau ke dala. A o ke koena o na bubo, ke hoaa mai nei i ka loaa ole o kahi "laau hana aloha" a ka haole (dala). O kahi poho laau hana aloha keia a ka Papa Ola, ua puehu loa ae nei no. Ua hamo ka hulu, kahi ka neo. A e pau ana paha la ka hoomalu i ka Poakahi ae nei. O ke kupaa oia no ke kahua a ka poe Aloha Aina i ku ai mai kinohi o ka hookahuli ia ana o ke aupuni a hiki no i keia la. O ke kupaa me ka loli ole a hiki i ka wa a Amerika e hooponopono ai iloko o ko lakou Ahaolelo no na mea e pili ana ia Hawaii nei. Aka, auhea he hana ia mai, ua waihoia aku na palapala hoopii kue a ka lahui a me ka Moiwahine, aole no nae i nana ia iho; meia ae ole no o kakou i ka hoohui, hoohui no; meia ae ole no o kakou e kukuluia mai ona aupuni okoa mawaho ae o ko kakou aupuni ponoi e koi mau nei e hoihoi ia mai. Ua maopopo loa e lawe mai ana lakou a kukulu i ka lakou ano aupuni i makemake ai. Nolaila, o ka hana keia a Amerika e hana mai la, a kakou i kaukai aku nei me ka manao e hooko ia ana ko kakou makemake, i keia Kau Ahaolelo hope, eia nae aole, nolaila, heaha hou aku, na hana a ka lahuii e hana ai? Na kela ame keia ia e kaana i ka mea pono.