Ka Hoku o Hawaii, Volume XXXIII, Number 36, 4 January 1939 — Hauoli Makahiki Hou Kakou Apau [ARTICLE]

Hauoli Makahiki Hou Kakou Apau

Hauoli makahiki hou kakou apau e na makamaka heluhelu o Ka Hoku O Hawaii. Eia kakou i ka hoomaka ana o kā makahiki 1939 a e hoao hoi kakou e hooi ae i na mea maikai apau i keia makahiki mamua oko ka makahiki i hala aku la. E lilo hoi kakou i poe e kokūa ana kekahi i kekahi. E like me ka oukou noi ia makou e hoopuka aku hoi i kekahi mau mea hou a oukou i makemake ai a e hooko aku ana hoi makou me ka hiki ia makou, a e noonoo iho no nae hoi kela ame keia mea e hana mai nohei oia i kona mahele iloko o keia. Oia hoi i na aia he poe i noho aie a kaa hope peJia ko lakou hookaa ana mai i ke ola no ka lakou pepa no ka makahiki i hala aku la'a mau makahiki aku paha mamua o laila, e noonoo mai nohoi i kau mea i hoopaa ai no kou hookaa mai. Nolaila, e like me ka nee ana aku o keia makahiki e malaelae hoi oe a e ma!aetae nohoi ko makou alahele e hoonee ai i ka hana imua. Aole makou e nuku wale ana i na poe i hoomanao ole mai i ke ola 6 ka lakou pepa no ka wa i hala aka he leo keia e uwalo aku ana imua o oukou, e hoonee kakou i ka hana me ka maemae ame ka loaa oU hoi o kekahi kiko eleele nana e hooano e i ka noonoo. Ma ka makou noonoo akahele ana ua manao makou e hoololi i ke ano o ka pepa ame na hana o keia makahiki e nee nei, a e hana hoi i kekahi hana no ka pono o na makamaka heluhelu ame makou nohoi na poe nana e lawelawe ana i ka hana. Nolaila la, e na makamaka heluhelu e hoao hoi kakou e hoonee i na mea o keia makahiki imua a e holoi hoi i na kiko eleele o ko ka makahiki i hala a e lilo keia makahiki i makahiki no ka holomua, lanakila ame ka pomaikai Aoie nae hoi no ka hala ana aku !a o ka la i he mau la i kaahope ae la a pau la ka Hauoli Makahiki Hou aka e mau no ke o ana o keia Makahiki Hou a hiki i ka la hope o keia makahiki. Nolaila, e Hauoli makahiki hou kakou a pau.