Ka Hoku o Hawaii, Volume XXXIX, Number 32, 29 November 1944 — Ua Hala, Ua Nalo [ARTICLE]

Ua Hala, Ua Nalo

Aole i mahui mua ia, eia ka Anela o ka make ua kokoke loa mā ka ipuka o ka home kino o kekahi o na makuakane maikai loa, oia ko makoujnakamaka o Charles P. Mahi. Na ka eleie Namu o Hilo ne»J kukala ae, ua h?ialele mai oia i keia ola honua ana. No ko makou iini no i ke ano o keia makuakane maikai, pela makou e hoopuka nei i kekahi mau wahi hunahuna uuku i ike mai ai ka lehulehu i ke ano maoli o keia makuakane.

E hoike ae no makou o Charles P. Mahi a i ole o Leone paha ma kekahi olelo ana ae a no ka mea ua kamaaina ia oia ma kela inoa, mai na pali hulili o Hamakua a hoea loa aku i Puna.

O keia makuakane, oia. kekahi o na kanaka i makee loa i ka kakou olelo makuahine a kakou nae hoi e hoohemahema nei i keia mau la. He minamina loa oia i ka olelo makuahine a kakou. No ia makee, ua kauoha oia mau keiki e lawe.. i Ka Hoku O Hawaii i ka loaa ka mea nana e hoomalamalama aku ia lakou 1 ka kakou olelo makuahine. Ua kauoha mai oia ia makou e hoouria i nupepa na kela ame keia keikikane ana, a ua hooko ia. Ua makemake oia i kana mau keiki e heluhelu i ka nupepa i ka nupepa i loaa ai ia lakou ka makāukau. Ke ae kakou iaia me kekahi mau makuakane Hawaii e ae, aole oia e loaa ana i kekahi poe, a no ka mea, ua lilo ka olelo makuahine me he mea la o kana wahine ponoi no ia. Ua lilo keia makuakane i mea e a'o mai ana ia kakou, e hahai aku mahope o kona meheu, a e a'o aku i ka kakou mau keiki i ka olelo makuahine. K,e hoohemahema nei nae hoi kakou i ka kakou olelo punahele. Ua pau kona ike hou ia ana no ka mānawa mau loa, a o kana anoano i kanu ai iloko o kana mau keiki e mau ana ke koii ana, a ke manaolana nei nohoi makou, e lilo hoi kana hana i kukui hoomalamalama mai ia kakou e na Hawaii e ola nei i keia mau la. Ke hele aku nei a e nalowale loa aku ana no paha ka kakou olelo makuahine.

Minamina no