Ka Hoku o Hawaii, Volume XXXIX, Number 36, 27 December 1944 — Hauoli Makahiki Hou [ARTICLE]

Hauoli Makahiki Hou

"HAUOLI MAKAHIKI HOU KAKOU E NA MAKAMAKA HELUHELU O KA HOKU O HAWAII!" He mau la helu wale no koe a hoea aku kakou i ka la hope o keia makahiki 1944 a hoea āku kakou i ka makahi 1945. E hoomaikaī ia ke Akua Mana Loa no kona haawi ana mai i ke ola iloko pakahi o kakou a loaa ka makahiki 1945. E hoomaikai pu aku nohoi kakou laia no na mea i loaa ia kakou i keia makahiki e pau ana a e kau nui aku ko kakou manao no na mea e hoea mai ana i keia makahiki ae. He nui wale na mea arto hou i loaa iho nei ia kakou i keia makahiki mamua o na makahiki i kaahope aku, mai ka hoomaka ana iho nei o keia kaua. Ua noho kakou iloko o ka pouliuli, a ua kapu mai ka hele wale ana ma na alanui mahope iho o ka manawa hoopouliuli. I keia manawa ua hiki ia kakou ke hele ma na alanui a hiki i ka hora 10:00 o ka po. Ua loaa pu maila nohoi ka ae ia ana e hoohamama i ko kakou mau puka aniani a ao ka po, me ka hoopouliuli ole i ko kakou mau home. Ua oi ae ka malamalama o na alanui i keia manawa i na hora o ka po, mamua o ka hoomaka ia aua ai o Puuloa e hoopa-hu e na manao kimopio a ka enemi, He mau mea ano nui keia iloāa mai ia kakou i keia makahiki. Ke noho nei kakou i keia manawa me he mea ala aole i kokoke ke kaua ma ko kakou mau ipuka hale. Aole nae hoi o ka loaa ana o keia mau mea ia kakou, he mea ia na kakou e hoopalaleha ai. Aole, aka, e noho me ka makaala, a e noho pu me ka waiho mau ana aku i na leo pule i ka Mea Mana Loa, no ka hoopakele ana ia kakou mai ka haulehia ana iloko o ka lima o ka mea pakaha. Nolaila, e na makamaka heluhelu o Ka Hoku O Hawaii, eia no keia wahi wahaolelo, ke waiho aku nei i na olelo a o ia kakou Hawaii, e hoololi ae i ko kakou ano i ka makahiki 1945 e hoea mai ana. Eia kakou ke hele liilii aku nei, a ka nalo pu nei ka kakou olelo makuhine. E ninau iho ana paha kekahi poe pehea la e nalohia nei ka olelo makuahine. Aohe kumu e ae e nalowaīe aku ai ka kakou olelo makuahine; aia no ia kakou iho na makua. Aole o kakou a*o i ka kakou mau pua i ka kakou olelo aloha. Heaha ka waiwai o kekahi mea e kapa ana iaia he Hawaii, i na aole oia i poeko i ka kakou olelo ponoi. I

He poe no kekahi e nema nei i keia wahaolelo. Ao!c no makou e olelo ana o makou ka heke ma ka olelo ma koahine, aka, eia ke hoao nei ma ka mea i hiki ia makou. He nui no nae na makamaka heluhelu e kakoo nei i keia wahaolelo, e oīelo ana o na manao i kakau ia a i ole hoopuka ia paha, he maikai. Aole makou e kaena ana, aka, ma na olelo i lawe ia mai, e hoomaikai ana i ka mea i hoopuka ia e ka lunahooponopono o keia wahaolelo. He nui na Ilipuakea e mahalo pu nei i keia wahaolelo a ka lahui Hawaii. No ka mea he poe lakou e heluhelu ana ī keia nupepa no ka hoo-' mehala ana i ko lakou makaukau ma ka heluhelu ana a ' kamailio ana i ka kakou olelo makuahine E haawi kakou e na Hawaii i ka kakou kakoo ikaika ana no ka holomua o keia wahaolelo, aole hoi o ke kipehi iho. I make no la hoi o Pamano ī ka io ponoi. Pela no kakou Hawaii, ua poino no kakou īa kakou iho no, e hoino a e kipehi ana i ka hoa kanaka Nolaila i ka makahiki e hoea mai ana, e kau nui aku ka kakou naVia ana no na mea e hoea mai ana 1 ka niakahiki 1945. E lilo hoi ia makahiki i makahiki holomua no na mea apau. K« upu pii nei nohqi>makou & loaa na pomaikai ame ka holomua i ko makou niau makamaka heluhelu i ka makahiki 1945 e hoea mai ana. E lilo hoi ia makahiki i makahiki e loaa mai kekalii mau mea nana e hoomama

ae i ko kakou mau kaumaha ame na popmkīa e hekau IKO nei maluna o kakou. 1 Nolaila, !\c liaa%vi hou aku noi i k<|» mf»kon nloha, 1 ?.\UOLI MAKAHIKI UOt' ia oukou niailoko ae oko kakou inau puuWv\i iX\kalii. 5 I