Ka Hoku o Hawaii, Volume XL, Number 11, 11 July 1945 — NEEMUA NA PUALIKAUA AUSETURALIA [ARTICLE]

NEEMUA NA PUALIKAUA AUSETURALIA

Eia na pualikaua Airseturalla ke neemua mai nei ma ka īakou hoonee kaua ana ma ka mokupuni o Borneo, e like me na lono i hoike ia mai e Kenelala Makaaka. Ua lilo maila kekahi mau wahi ano nui ma ua mokupuni la i paa ia e na Kepani,. Ke auhee nei na Kepani me ka haalele ana i kekahi mau kahua mokulele i makemake loa ia e na aoao huiia. Ua lilo pu maila kekahi kahua aila ano nui loa.

Ma kekahi kahua aila, ua haalele aku n-a Kepani ia wahi me ke puhi ana i na lua aila i ke ahi. Aole he ikaika o ke kue ana mai a na Kepani, a ma kekahi mau wahi ua haawipio mai no lakou me ka maikai, me ka hoolohe ole a'e i ka olelt> kauoha paa a ko lakou aupuni, oia hoi i na aole e hiki ke huli kue aku e lawe no i ko lakou ola.

Aole no i palekana loa na aoao huiia ma ua mokupuni la, no ka mea ua halawai no lakou me kekahi mau poino. E like me na lono i hoike ia mai, ua* hoopiholo ia kekahi wahi moku kaua uuku, iaia e hoao aku ana e hookokoke ma kekahi awa. Ua hoohana mai na Kepani i ka lakou mau pu kaua a pa ua w&hi mokupuni nei. E like me na mea i hoike ia mai aole i oi aku ka hahana o ke kaua raa Bornoo mamua o ke k*aua ma Okinaua. Me he mea la, aole no paha o loihi loa ana ka manawa a lilo hou ua mokupuni ia i na aupuni huiia.