Ka Hoku o Hawaii, Volume XL, Number 14, 1 August 1945 — Ohi Ia I Koa [ARTICLE]

Ohi Ia I Koa

o kekahi wahi moolelo kupaianaha e pili ana i kekahi kanaka | o William K, Dobson o Atlanta. | Mahope iho o ka eha ana ma ke kahua no elua manawa iloko o 14 mahina iloko o ka oihana kaua a i hookuu ia ai mai ka oihana kaua mai, ua ohi hou ia ae o Lukanela Ekahi William K. Dobson, o Atlanta, no ke komo ana iloko 0 ka oihana koa. Ua loaa aku iaia na pulama aloha ana mai kona papa ohi koa he elima mahina mahope iho o kona hookuu ia ana mai ka oihana koa mai iloko aku nei o lanuali. Ia manawa nohoi, ua mare oia 1 ka wahine a ua hoi hou i kana hana mua ma ka hui ululaau o Amelika Huipuia.

I keia manawa he koa maoli oia ma ke kahua Blanding, Fla. ke kahua hookahi no hoi i kona manawa ī komo ai iloko o ka oihana koa i Mei, 1942. TTa loaa iaia he elua mea hoohanohano i kona manawa iloko o ka oihana koa, a he elua manawa i hoeha i ia ai. Ua hamau loa na hoa o ka Papa Ohi Kpa ame na aliikoa no na mea e pili ana i keia kanaka. Ma ka mahina o Aukake a'e nei e piha ai iaia na makahiki he 2T.