Ka Hoku o Hawaii, Volume XL, Number 18, 29 August 1945 — Na Hiohiona E Ike Ia Nei [ARTICLE]

Na Hiohiona E Ike Ia Nei

Mamua o ka haliau ana a na KLepani ia Amelika ia Puuloa, he mea maa mau ka ike ia ana o na kaa otomobile e hoio ana ma wahi apau, He mea ole nohoi ke kakalina ia mau la. Ua noa ke kakalina aole i kaupalena ia, Ua hiki no kekahi mea ona kaa ke noho a ku a'e la ka manao e hele no kekahi wahi loihi, o ka hele aku la no ia. Aohe he mea nana e papa mai aole e hele, aia wale no a poino kona kaa hiki ole ke hele. I ka wa na e a na Kepani i hahau ai ia Puuloa, ua loaa maila ke kauoha i na poe ona kaa,. aole e uhauha wale i ke kakalina, a no ka mea ua makemake ke kakalina no ka oihana kaua. Ua wehe ia he mau keena oihana no ka hooponopono ana i ke kakalina, a ua hoomaka mai la lakou e kaupalena ike kakalina. O kekahi poe he 10 no galani kakalina i " haawi ia no ko lakou mau kaā, no ka mea ua kokpke mai ko lakou mau home ma kahi o ka lakou mau hana. Aia wale no a loaa na kumu kupono loa ma ka aoao o kekahi mea, alaila loaa mahuahua aku na galani kakalina. Ua hiki ole i ka lehulehu ke kue aku, a no ka mea, o ka oihana kaua ka mana ma ia mahele. Mamuli o keia mau kumu ua hiki ole i ka lehulehu ke hana e like me ko lakou makemake no ka mea aia he haawe nui e hekau ana maluna iho., I ka wa a lakou e hana ai a oi aku mamua o ka palena, e oki ia ana ko lakou mahele kakalina a hele loa i ka pilikia. Ika wa na*e hoi oka lono no ko lapana h' /» '• , ana maila i ke kaua ana, ua loaa pu maila nohoi na lo u hoohauoli i na poe ona kaa otomobile apau apuni keia teritori, ma o ke kukala ia ana mai ua hoopau ia ke kaupalena ia ana o ke kakalina, aua hoonoa hou ia, Ua hiki ke loaa ke kakalina e like me ka wa mamua aku o ke kaua ana iho nei. Ua piha na poe he kaa ko lakou me ka hauoli, a no ka mea ua pau ae la ia haawe kaumaha mai ke kau ana maluna o ko lakou mau hokua, a ua hiki ke hele ma o a maanei, a ma na wahi like ole a lakou e makemake ai me ke kanalua ole. Ke ike ia nei na poe lehulehu e holo makaikai hou ana ma na wahi like ole e like me ia a iakou i hana ai mamua o kā hoomaka ana o keia kaua iho nei. Nolaila, o na hiohiona e ike ia nei, aia ka hauoli ma na helehelena o na poe he kaa ko lakou a no ka mea ua kapae ia ka haawe o ka hookaumaha ia no keia mau makahiki lehulehu. Pau ka hopohopo ana, a pau ke kana lua ana. Ua hoi maila a ke ano e like me mamua.