Ka Hoku o Hawaii, Volume XL, Number 19, 12 September 1945 — HOEA HOU MA IAPANA [ARTICLE]

HOEA HOU MA IAPANA

Mahope iho o ko Japana kukala ana a'e e hoopau i ke kaua ana, a i ka wa e kakali ia ana o ka wa e kakau i ai ke kuikahl, aole o Amelika i hoomaha iho i ka hoouna ana i kona mau mokulele nunui i lapana.

Ua lele aku no ua. inau mokulele la ma ka lakou huakai maluna aia na kahua i hoopaa ia ai na pio Amelika!

īko lakou kaalo ana a'e maluna o na* kahua o nā pio, ua ike iho la na pailaka i na pio e ani peahi a'e ana i ko lakou mau lima a o kekahi me na lole e hoike a na no ko lakou piha hauoli.

Ma ka aoao o na mokulele ua hoolei iho Ia lakou he mau puolo. āole hoi he mau poka pa-hu, aka, he mau puolo lako lapaau ame na puolo meaai. He mau tona lehulehu i hoolei ia iho. Ua haule pono iho ua mau puolo la maluna 0 ke kahua o na pio. Ua hauoli nohoi na pio i ka loaa ana o keia inau mea ia lakou.