Ka Hoku o Hawaii, Volume XL, Number 40, 7 February 1946 — Ka Mahele Nupepa [ARTICLE]

Ka Mahele Nupepa

He mea kaumaha no o ka noonoo ke nana a'e i ke kulana o kahi nupepa a kakou, Ma na makahiki i kaa hope a*e ua ike no kakou i kona ikaika. I ka hoomake ana iho nei o ke kaua, ua nalo kona uwiuwiki ana aku iloko o na home Hawaii no elua mahina. Mahope mai ua po-ha hou aku kona malamalama, a ua like oia me ka Hoku e hoike ana i na Magoi i ka lono hauoli no ke hanau ana o ka Mesia, Ua hoike aku ka Hoku o Hawaii i na lono e pi)i ana i ke kaua honua, e hoike aku ana imua o ka lahu' Hawaii i na mea apau i hiki iaia ke hana aku. Ua lila ka Hoku i kukui hoomalamalama no na Hawaii kahiko. Pela wale no oia i hooikaika pauaho ole ai a hiki i ka pau ana iho nei p ke kaua. Mahope mai ua ano hapaku e mai a ua ano homimio kona hoōleīe ana aku i kona malamalama imua o kona mau makamaka heluhelu. I na mahina hope iho nei, ua ano pouliuli loa na home Hawaii, aole he kukui hoomalamalama. Ke lana nei na e kahi manao e onianiaka hou a e lele hou aku kona mau kukuna malamalama ma na home Hawaii i ka makahiki 1946. I a no kahi kukui i ka loaa o ka aila ame ka wiliki. Va pokole pu i na limahana nana e hooholo i ka mikini. O ka makou e pahola aku nei imua o ko makou mau niakamaka heluhelu, "Hauoli Makahiki Hou" kakou apau no ka makahiki 1946 hoea mai; Ke pahola aku nei na ! .unanui ame na limahana o ke keena pa'i o Kia Hoku o Hawall i ko. lakou Haueli Makahiki Hou ia oukou apau. E lilo pu ka makahiki 1946 i makahiki holomua no ka Hoku o Hawaii.