Ka Hoku o Hawaii, Volume XL, Number 52, 28 August 1946 — O Ke Kuikahi Ka Ikaika [ARTICLE]

O Ke Kuikahi Ka Ikaika

,Ēia ilo makou ke hoopuka hou aku nei i na mea pili ana i ke "KUiKAHI", Aole na'e maluna o ke kumumanao hookahi, aka, maluna o kekahi mau manao e pono ai kakou e na makaaiii.'inu o keia puemeku. Aole makou e hoopuka ana i na mea e hoeha aku ai i kekahi mea, aka, e hoopuka ana i na mea a'e i liiki ai e loaa ka holomua ame ke kuikahi, Ē like me ka olelo kaulaiia a Amelika, "0 Ke Kuikahi Ka Ikaika, a o ka Hookakaawale ana ke kumu o ka heielei." ' Ē like me na mea i hooiaha ia a e ai, no ka loaa ana o kekahi ano mokuahana iwaena o na hoa o ka papa lunakiai. . E hoomanao pu nohoi kakou, ua koho kakou i na hoa o ka papa no ka lawelawe a hooko ana i na hana no ka pono o ko kakou kalana. E hoorjpanao pu nohoi ua mau hoa la he ppe kauwa lakou na ka lehulehu. Aoie lakou i koho ia no ka hoala ana a e i ka mokuahana iwaena o lakou. I na e lilo lakou i ke kuee pilikino, pehea ana hoi ka pono o ka lehulehu. E lilo auanei paha lakou i ke kuee pilikino, a o ka hope e helelei ana lakou a e lilo ana ko leakou kalana i meaole. E Klo ana kakou i mea henehene ia e na poe e nana mai ana, a o ka hope e loaa ana ke kumu e kaili ia aku ai ko kakou mau wahi pono kiwila.

Mai imi i kumu e hoowela aku ai i na mana koho, ā e liio auanei ia i mea e hoonawaliwali mai ai i ke kulana hilinai ana o ka lehulehu. E kapae i ke kinauneu pilikino, 3 e hoopau i na manao maikai ole. Oia auanei ka mea e loaa ai ke kuikahi a e mau ai ka ikaika a loaa pu ka pono ame ka holomua i ko kakou aupuni kalana. Mai hoohiolo i ko kakou inoa maemae. Ē kanu i ke koi o ke kuee pilikino, a e lawe mai i ke kulana kuikahi a lokahi, oia auanei ka mea e loaa ai ka ikaika. E kanu i ka anoano o ke aloha hoa kanaka, oia wale no ke alahele e loaa ai ka lei o ka lanakila ame ka hanohano. 4 Ua'lawe mai o Amelika i kela moto a kukuni paa iloko o ka puuwai o kela ame keia Amelika oiaio, "O Ka Hookuikahi Ana Oia Ka Mea E Ku Ai, ā o ka Puunauwe ana ka mea e hiolo ai." I ka hookuikahi ana o ka lahui Amelika, oia ka mea i ikaika ai oia. E nana i ke Kaua Honua II iho nei, ua hookuikahi aeka lahui Amelika a o ka hope o ia, ua lanakila maluna o kona enemi. I na i mokuahana ka lahui Ameli ka mawaena o lakou iho i na la aole kakou e noho me ka maluhia.

Nolaila, e lilo keia moto o Amelika i moto na kakou ma Hawaii nei. E kapae i na mea pilikino a e noho a hana me kalokahi. f ka noho lokahi ana o kekahi aupuni o ka mea ia e loaa ai ka holomua ame ke kuikahi. I ka mokuahana ana, e helelei ana a aohe ona pono ma ia hope mai, e lilo ana i mea ole a e palupalu ana. Pela no me ke kanaka, i e loaa ka mokuahana ame ke kuee piljkino, he mea maopopo loa aole e holomua ana \a lakou hookele aupuni ana. E lilo pu hoi kakou e na mana koho i poe e uwao ana i ke ano nohona mokuahana ana o kekahi mau mea. E lilo hoi kakou i mau kumu maikai e haawi ana i na a'o mnikai ana i na poe e kue ana i kekahi i.kekahi. Aole keia he manawa no kakou e ku nana aku ai a akaaka paha. Mai nana i ka pula iki ilpko o ka maka o kau koa kanaka, a no ka mea aia no he haola. i!oko o kou niak-' ponoi. O ka makou e upu nei e loaa kt kuikahi ame L holopono iloko o ko kakou aupuni kalana. He mau makahiki helu wale no koe a kakou e lula ai i ko kakou aupuni a e hoea mai ana l ka la a na lahui e, lawe i ka hoeuli e ka hookele ana i ko kakou au puni. Nolaila, e ku me ka lokahi, a e hoopau i ka mokua hana, eia ke alahe'e o ke kuikahi ame ka lanakila.