Ka Hoku o Hawaii, Volume XLI, Number 16, 14 January 1948 — HE MAU TAUSANI [ARTICLE]

HE MAU TAUSANI

Ma ka la hana mua iho nei o keia mahina oia hoi ka Poalima aku nei, ua hoea ae la he mau tausani o na poe ona kaa mawaho o ke keena o ka Puuku kulanakauhale o Honolulu no ke ake ana e loaa na pa helu o mau kaa. O kekahi poe ua hoea aku mawaho o ke keena o ka puuku he mau hora lehulehu niamua o ka manawa hemo o ua keena la. E like me na mea 1 holke ia mai, ma ua la ala aia ma kahi o ka 2,600 mau kaa i hoopaa ia na helu, a i oi «ku hoi ka nui mamua o ko ka makahiki i hala. Mai ka hora 8 a.m. a hiki i ka hora 1 p.m. he 2,500 mau kaa i hoopaa ia a ua like ia me 400 o ka hora hookahi. Ua hoOpaa pu ia nohoi ka helu o na kaa, mai Kaleponi ame kekahi mau mokuaina e ae, a o ka mua loa hoi i lawelawe ia ai keia hana.