Ka Hoku o Hawaii, Volume XLI, Number 23, 26 May 1948 — E Kukulu Ia Aku Ana [ARTICLE]

E Kukulu Ia Aku Ana

Mamuli o ka pii mau o na poe i makaikai ma na kuahiwi o Maunakea ame Maunaloa, ua hooholo iho ia na poe pii mauna no ka haawi ana aku i na poe e pii ana no ka makaikai ana, i kekahi mau hana kokua i na poe i eha oiai e makaikai ana i ke kahua hohelua ke kau hooilo. Ua hooholo kela puulu e kukulu i ekolu mau hale no na hana kokua i na poe i eha. E hoolako pu ia ana nohoi na laau ame kekahi mau pono lapaau e ae no na poe e pii ana malaila. O ka hale mua e hoolako ia ana me na laau lapaau ame kekahi mau mea e ae ma Pohakuloa, he hale ma kahi o 9,000 kapuai maluna ae o ka iliwai o ke kai, o ka lua aku o ka hale ma kahi o 10,000 kapuai maluna o ka ili wai o ka moana a o ke kolu ma kae o ka lokowai o Waiau.