Ka Hoku o ka Pakipika, Volume I, Number 33, 8 May 1862 — Hoku o ka Pakipika. HE INOA NO J. L. KAHULUI. [ARTICLE]

Hoku o ka Pakipika.

HE INOA NO J. L. KAHULUI.

Kahului no he inoa la, Kawelonailehua he makua e, E hoi ke aloha Imikimiki la, I ka hale lai a ke aloha e, E iini nei a ka manao la, He koii ana ole oi ala e, A kahi no au a oni la, Mamuli o ka leo oi ala e, Ke ku mai a Lanai e, Nihaukawa no he piina la, I ka malu ulu aku i ke kula e, A he kela oi no oi ala la, Aweawe ka makani Puulena e, I ka wai naulu i ke kula la, I ka hulei lua i Waiehu e, Ehuehu mai nei kuu hoa la, E kaunu ole aku oi ala e, Eu na koa o Farani la, Haina ka inoa he aloha e, Hoolaiikekoa he inoa la. A. B. Kaaukuu. O Kahului no he inoa la, O Puakaakuli he makua e, E hoi ke aloha i Hanalei la, I ke one haaheo i ke kai e, Akahi no au a ike la, I ka lauae o Makana e, Ko mai ke ala he moani la, Hookohu ka ua i ka nahele e, I ka noe aku o Alakai la, Kahiko Lilinoe i ka hau e, E hoi ka lai i Mana la, I ka wai liula i ke kula e, I ka hale ohai Limaloa la, He loa ka ike na i Hauola e, E ola kahiapo kuu kama la, Kuu pua hoonani i Wailua e, I ka luna aku o hokau la, Kau aku ka manao ka halia e, Haina ka inoa he aloha la, Hoolaiikekoa he inoa e, MERE KALAIONEHU. Kahului no he inoa la, Kapuaoliwa no he makua e, E hoi ke aloha i Kuliloa la, I ka wai hue mai i ke kuia e, I ke kula wale o Maemae la, Akahi hoi au a ike la, I ka nani wale o Haili la, Ilihia mai au i ko leo e, I ka ohu paa mai i ka noe la, Paa mai ka ua i ka uka e, I ka uka wale o Nuuanu la, Ua anu hoi au i ka ua e, Ke loku mai la i ka lehua la, Hiai aku au o ka nani e, O ka nani wale o ia pua la, Haina kainoa he aloha e, Hoolaiikekoa he inoa la. Kanui Kahului no he inoa la, Ahihipuamamo he makua e, E hoi ke aloha i Hainoa la, I ka luna aku o Huehue e, I ke kapa hau a Lilinoe la, Linohai mai la i ka Mauna e, Alo mai Pokahi i ka noe la, I ka lae lehua i Haili e, Ilihia i ka nalu o Huia la, E hui ka nani i Punahoa e, I hoa pili no Mokuola la, Ua ola Kahului i ka wai e, I ka wai wale o Wailoa la. A he loa ka piina i Olaa e, Laahia mai au i ka noe la, Haina ka inoa he aloha e, Hoolaiikekoa he inoa la, Mrs. Kahuewai