Ka Hoku o ka Pakipika, Volume II, Number 3, 30 October 1862 — He Mele aloha i ka poe lawe pepa. [ARTICLE]

He Mele aloha i ka poe lawe pepa.

He aloha mai na hoa la, Ka ukali hele mahope la, A ike i ka pepa hau la, Uhuuhu launa ole, Eia mai no wau la, Ka hoe e kohu ai la, E walea ai ke kaunu ana la, Ke killa ka mea aloha la, Kaawale aku oia la la, Pilipili aina ole mai la, He aloha pua olepe la, Lepe lua kahi manao la, Ahahui ka mea aloha la, Lai ai keia pepa la, Na po haiwai aumoe la, Kokua mai ke aloha la, Oluolu pono ka manao la, Kaunui aku ka iini la, A ike i ka buke alua la, Ua palekana ua hiolani I wahinekapu i helani la, Pau ko luhi pau ko eha la, Na olelo henehene mai la, Ua lewa lakou mahope ou la, Aole makou a emi iho la, Ka pohaku kihi neeu ole la, Ka ahahui nupepa Hawaii la, Nu hoa luhi a pau loa la, Mai Hawaii a Niihau la, Eia mai ko ipo aloha la, E wehe ai ka manao la, E pono ai ke hana aku la, Pa iho ia Kinau la, Wai olu wale kela la, He pa na ke kona la, Olooio na kahawai la, Ku ka pihaa i kai la, Ka Hoku Pakipika ka mea aloha la