Ka Hoku o ka Pakipika, Volume II, Number 7, 27 November 1862 — Untitled [ARTICLE]

ʻO ka Poʻalima, la 27 o Novemaba, ʻo ia ka la Hoʻokahakahano ka ʻae ʻana i ke Kuʻokoʻa ʻana o keia pae ʻaina e na Aupuni e; a no laila, e pani ʻia ana na keʻena ʻoihana a pau o ke Aupuni ma ia la, a e malama ʻia no i la leʻaleʻa e ka lahui Hawaiʻi. Ia la no hoʻi, e hoʻoiaʻiʻo ʻia ana na mea ilihia ka Moʻi a me ka Moʻiwahine, ma ka Hoʻomana ʻEnelani; a na ka Right Rev. Haku Bihopa o Honolulu laua e hoʻoiaʻiʻo ai. Ma ka hapalua o ka hora 10 o ke kakahiaka ka manawa e hana ai, ma ka hale pule ma Peleʻula. Pihapono maoli ka nupepa o ka Hoku o ka Pakipiki i na mea hou o na ʻaina ʻe, e hoʻopuka mau ʻia nei i kela pule keia pule, mamuli o ke ahonui o ka Luna Nui. Ma keia nana ʻana, ua lawa pono paha ka manaʻo o ka poʻe hoʻohalahala i na mea hou ʻole o keia pepa.Eia mai naʻe hoʻi ua mea hou, e ʻai a lihaliha, paki a haʻalele.