Ka Hoku o ka Pakipika, Volume II, Number 24, 26 March 1863 — Kanikau no Hiikau. [ARTICLE]

Kanikau no Hiikau.

Kanikau la he aloha, nou no e HIikau. He uwe la helu mai, o Kalaau no he inoa, Nani wale ko hele ana, i ka hora umi o ke awakea, Au iho nei makou, o kahi e ike ai, Helu miliona ke aloha, i ke ala hoi ole mai, Aia paha ko uhane, i ka poli o ka makua I ka nani o Ekena, i ka puu o Kalewali, Auwe kuu keikuaana e, he u la he aloha, Nou e na Kupunaelua, he uwe ia helu mai, O Mele no he inoa, aloha ino no kuu kane e, Kuu mea minamina e noho nei, Kuu lei kaimana o ka hooilo, Kuu roke nani o ka aina, Kuu komo kala o ka makalii, Kuu lei mae ole o ke ahiahi Kuu kapa e mahana ai o ka po anu, Auwe kuu kane e, Kuu kane i ka malu o ke ao e, Mai ka malu ku ana e na pali, Pale ka ike ua hele oe, Ua wehe i ka pili ua kaawale, Ua kiina mai la e ka la, Ua lawe ia aku a ka mahina Ua apo ia mai e ke hoku, Ua lili i ka lani i ke aouli, auwe kuu kane e, Hoa hoomanawanui o ke anu, Kuu kane mai ka wa iniki ili o ka aina

Mai ka wai hone mai i ke aumoe, Moe au a huli ae aole oe, Hopu hewa i ke kino wailua, Kuu hoa o ke kua o Malamalama Malama ana ae o ko aloha e, O ke kulu waimaka o ka opua e, He opua ko aloha ke hiki mai, Hiki mai ke uhane kino wailua, Auwe kuu kane e, kanikau la he aloh, Nou no e Hiikau, he uwe la helu mai, O Kauluha he inoa, aloha ino no kuu pokii, Kuu pua laoloma o ka aina I kupu ohaoha i Ohaioli. Auwe kuu kaikunane e, mai ke ahi lele o ka Kamaile, Mai ka haka lewa i Noalolo, Mai ka Pahapaha o Polihale, Mai ke one kani o Nohili, Mai ka wailiula o Mana Mai ka hale ohai o Limaloa, Mai ke kaha o Waolono, Mai ka limu ke kauaka o Manuakepa Auwe kuu kaikunane e, KAULUHA