Ka Leo o ka Lahui, Volume II, Number 460, 20 May 1892 — Page 4
| This text was transcribed by: | Gwen Lazear |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
KA LEO.
John E. Bush.
I una Hooponopono a me
Puuku.
HONOLULU, MAY 20, 1892.
MOOLELO HOONANEA
O KA EUEU
MASANERO.
Ke Kameha'i o
Italia.
A I OLE.
O ka Lawai'a Kaulana loa o Napela.
----------
MASANERO I MAALAO AE ---NA KUKAI
OLELO OOLEA---KE KUAHAUA
PILI AUPUNI A KALE V----
MASANERO IMUA O KE
DUKE, &C.
----
Ku mai la o Masanero maluna pono o ke kuahu a pane mai la me ka wiwo ole:
E ke Duke o Acosa, ka Vikeloe hoi o Napela, e hoolohe pono mai oe ano, mamua pono o keia Aki-bihopa, a ma ke alo ponoi no hoi o kou mau koa, ke hoike maopopo loa aku nei au ia oe, ua manao paha oe, o kau mau olelo a pau i kamailio iho nei maluna o ka Baibala me ka hopohopo ole, he oiaio kau, aole loa pela; ua hoao iho nei oe e hoohiki wahahee imua o ke Akua.
O ka lahuikanaka o Napela e hooia aku no lakou pela, wahi ana i hoomau aku ai; ua haki ia makou ia mau mea keakea a pau---E make na poe kue a pau, a e ulupa aku i na kupu ino a pau ma ka aina. E hana io aku ana makou i kekahi mau mea e kau ai ka lia o na moi a pau.
Ia manawa koke no, na kahea koke ae la o Dona Inana Fanedesa i kona mau koa Sepania, a emo@le, ua ku ae la lakou ma ka laina me ka makaukau nui no ka hana e waiho ia mai ana, me ka makaukau ana e kuai i ko lakou mau ola pakahi ma ke kahua hookahe koko:
I keia manawa koke no oiai na koa Sepania e akoakoa nui ana mawaho, o ka wa no hoi ia i akoakoa pu ae ai ko ke kanaka lawaia mau hoaloha ma ka aoao o ka papa himeni iloko o ka halepule me ka ike ole ia aku o na mea o waho e hana ia mai la.
O ka nana aku ia manawa, me he mea la, e hooluu ia aku ana kahi ihiihi me ke koko.
I ka manawa pokole wale no, ua poha ae la na leo hooho o ka lehulehu a puni ka lewa me he hekili ala.
Holo koke aku la o Masanero a ma ke poo a @ laina koa me ka makaala loa nona iho, a oia ka wa a ka moneka Doma Palakiko i ka ua mai ai , me ka i ana mai:
E kuu keiki, mai hoala hou ae i ka mea e uluaoa hou ai, ua oki e kuu keiki e, e maliu mai i ka leo o kou mahua nei. Aole loa au e noho malie ke ike pono aku au ho mea pono'ole i kuu noonoo. Wahi a ke kanaka lawaia. Ua hele mai nei au e hoolilo i kau olelo a me ka'u pu kekahi i mea ole. Ke kumakaia mau nei lakou i ko lakou mau pono, a he oi ka pono, e ao aku ia lakou me ka 1 @ u mau hana a pau e lawelawe nei:
O ka aha hookolokolo o na kanaka o ko ao nei, a me ka aha hookolokolo o ka lani i ka wa hope loa e kaupaona mai i keia mau hana.
Hooki ae la o Masanero i kana mau kamailio ana, a neenee pono aku la oia a ma ke alo o ke Duke, oiai no ua Duke la e noho mai ana me na helehelena i hele a kunahihi a me kona poo e kulou ana me ka hilahila nui; a pa-e koke aku la no ka leo o Masanero:
Hookaawale koke oe mai keia wahi aku i keia manawa me ke kali ole. elemakule lapuwale; e huki pu ia aku oe me kou lauoho keokeo iloko o na pelapela he nui, e paa pu ana me ka ai-kala o ke Toisona d'r Or, e na Naita hanohano no kau mau hana.
Ua hoola aku au ia oe, no ka mea ua hai aku o Doma Palakiko ia oe i ka'u mau olelo, a no ka mea hoi o ke kanaka o ka lahui e pono oia e hoike iaia ino e like me kona hanau ia ana, aka e ke Duke, ua maopopo no anei oe i kau mea i hana iho nei. O ko'u ake nui e hoopakele i ko kaikamahine, ka mea au ponoi no i hoonalowale aku ai.
No keia mau huaolelo, ua hoomaka ae la ua Vikeloe nei e imoimo iho kona mau maka, me ka puapuai pu ana ae o ka ula ohelohelo ma kona mau papalina, a pane mai la:
O keia mau kanaka, wahi ana e kuhikuhi ana i na hoaloha o Masanero: ka poe na lakou i hehi iho na kanawai pono, a me ka pono o kuu keiki liilii nono na makahiki i hiki aku i ka 16---kuu keiki e!
E ke kanaka lapuwale. mai kamailio oe pela, no ka mea, aole oia i noho loihi loa malalo o ko'u malu a hele koke aku no eia me kuu maopopo mua ole, he kaikamahine ia nau. Alaila, auhea oia i keia manawa? Wahi a ka Vikeloe
O kona wahi e noho nei i keia manawa, aole ae i maopopo; aka, o ka'u mea wale no i maopopo, ua lawe ia aku oia e Cosila.
Cosila! I hooho ae ai ua Duke la; e ke Akua kiekie loa!
E, ua hiki mai nei o Masanero e kokua ia oe no ka hoopakele ana mai ia Isabela, a he pono oe e hookipa iaia no ke ola o kou uhane, wahi o Masanero.
Kuu kaikamahine! e hoopakele mai i kuu kaikamahine! O na mea a pau o kona makuakane au i manao ai e hooke aku au, na'u ia e hooko aku nou, i noopakele io mai ai oe i kuu kaikamahine aloha, o Isabela.
----------o--o--o----------
Kuk@au lua ka hoi ka makou mau keiki kiloiloi hau ma ka la iho la inehinei, a i ka alawa iihi ana aku, ua hoohihi ka naau i@ka makemake. Ola ka noho hale.
KO MAKOU MAU LUNA LAWE PEPA.
----------
Oiai ua hoopauia kekahi mau luna o KA LEO O KA LAHUI, a ua paku'i hou ia mai he mau luna hou, nolaila no ka pomaikai o ko makou poe heluhelu, a i hookoia ai no hoi ka pono a pau, ke hoike aku nei makou i ka papa inoa o ko makou mau luna e like me keia malalo iho----
D. Kahaleluhi S. Kua
J. W. Keanu Wile Buki
J. Samoa H. Kalei
Ma ke Kauoha.
KE KULANA O KO KAKOU
MAU HUI KINIPOPO E KU NEI.
----------
O keia malalo iho nei ke kulana o ke kakou mau Hui Kinipopo i keia manawa, ka nui o ka lakou paan@ ana, ka lakou mau paani i lanakila a me ka lakou mau paani i hanale, mai ka hoomaka ana mai o keia Kau Kinipopo a oiki i keia la:
Hui Lanakila Haule Paani
Honolulu 1 2 3
Kamehameha 3 0 3
Hawaii 1 2 3
Crescent 1 2 3
HE HOIKE I KE AKEA.
Ina makemake a me na hoaloha o'u lahui Hawaii Ponoi he wahi mea hou kau e hoike aku imua o oukou oia iho keia:
Oiai au e noho ana iloko o ka pilikia a ka mai, o ka mua o ka hoomaka ana mai a ka pilikia ia'u he anu. mahope oii mai la ka maneo a manoanoa mai la ka ili pii pu mai la me ka wela a puni ke kino, a ua ku maoli no i ka pilikia a aneane e hoi aku i ka aoao mau o ka honua, aka mamuli o ka loaa ana o kekahi loea akamai i ka lapaau oia hoi kela kauka pake Leong Keng Tong, no kona nui akamai ua loaa ia'u ka lanakila a me ia lanakila au e pahola aku nei i keia mea hou ano nui aole au i manao e hooikeike aku i kona akamai a me ke ano o ko'u mai, aka i hoikeike au i kumu e ike pono ai oukou a i pau kuhihewa o i ia mai auanei he hoopunioani, nolaila i noho a i loaa i ka pilikia hele ae hookahi hele ae elua hele ae no a pau loa i ike i ka oiaio he ole ka lohe pepeiao.
O wau iho no
MRS. LOMELE
Pauoa, Honolulu, May 9, 1892.
1m-d*
HE HOOLAHA I KE AKEA.
----------
E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki ; i loaa i na ma'i o kela a me keia ano, e none mai i ko'u Keena hana, a ha'u o hoopaa aku i na ehaeha a ka ma'i maluna o oukou o na makamaka, he hiki ia'u he lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eah o ke poo, ma'i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa ; he oluolu ka auhau, he hui me ia me na kukai olelo ana ; ua makaukau wau e pulama mai i na hope ana mai mai na Mokupuni mai, me ka eleu a me ka hikiwawe loa, he makemake a he hoaloha maikai no oukou e na Hawaii.
O wau iho no,
DR. LEONG KENG TONG.
Helu 49, Huina o na alanui Kamika me Hotele, Honolulu, Oahu. Aug. 31. 1v
HOOLAHA HOU!
E ALA, E ALA.
B. F. Ehlers & Co. - PAIKAPA.
HELU 99 Alanui Papu.
E Hoolohe hou mai e na MAKAMAKA, mai no a leh@in@, e hele mau
mai no oukou e ike ia PAINAPA, no ka mea he kanaka eia i noho
a kamaaina i keia kulanakauhale.
AIA MA KONA HALEKUAI NA
Papale Wahine………………………………
Kinamu Nani 8 Ia……………………………………$1.00
Kalakoa Nani 18 Ia……………………………….…."1.00
E kuai aku ana MAKOU i ko makou mau waiwai a pau no ke Kumukuai
i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50, he $1.00 wale
no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auanei oukou.
B. F. EHLERS & CO
Na Lako Lole Hou o ke Kau Makalii.
---------
Ku ka Paila! Hana ka Haawe!!
----
E Ohi Oe a luhi ko kino
----
E Weheia Ana ke Kuai Ahulau Nui o n aLole ma
KA HALEKUAI WAIPAHE O
N. S. SACHS,
-----
He oluolu me ka Holopono ke Kumukuai, oiai o ko makou Makia ia; Nolaila hele mai a pau i ikemaka i ka makou mau waiwai hou o kela a me keia ano, he ole ka lohe pepeiao. E alawa iho i kekahi o ka makou mau kumukuai e hoike aku nei.
NA LOLE KINAMU e kohu ai ka hoohehele ana ma na alanui o ke kulamakauhale nei, Na Lole Papamu o na la maka kanaka nui a me na Lole Kah@ L@ o na ano a pau, o kaha ai ka maka o na opio o ka aoao @l@a,
He 6 I-A $1.00 wale no.
NA LOLE MAKALENA keokeo o na ano kikokiko a pau a ka @ e h@ a@ ai, he makepono loa ke kumukuai, oia hoi,
He 5 I-A no $1.00 wale no.
NA LOLE HAPA SILIKA i kakau aulii o na ano a pa., a i hiki hoi ke holoi ia me ka pilikia ole, o ke ano hou loa mai nei o keia au hou e @e aku nei,
He 6 I-A no
Na Lole Eleele Hinuhinu Paa Puni (Sateen) me ka nowelo panio mikioi ia o ke ano maikai loa, he 1 i-a no 25 keneta.
Na Lole Hulunipa la-a pelua o na ano a pau, pakui ana o ke kua@ a he hoa kuwili no ka limu kaha kanaka o Manua@pa, he 6 i-a no $ 1.00 wale no.
Na I ole Hal@malena ame Hapa Kanikau, o ke ano hou mai nei i laha mua ole, a mae ola hoi ke holoiia he 1 i-a no 25 keneta.
A he nui wale aku na Waiwai Hope loa a me na Paikiai Hou loa i loaa mai nei i makou, a makou hoi e kuai aku ai ma ke kumukuai haahaa @ a makepono. Ina oe e makemake i papale nou, e hele mai i o makou nei, he piha papale makou e noho aku nei, mai ke na Lede maka onaona a ke na kamalii i paa m@ i ka hooma@iia i oi ae i ke kekahi mau halekuai e ua o loko nei o keia Aupuni, amau o wae elike me kou makemake.
Na Papale Kapu Luina i kino@hi mamaia, aohe he luhi i koe, he kau wale ae no i ke poe hele ana, he $ 1.25 a pii aku.
Na Papale o na Paikiai a pau i hoomaulia elike me ke kauoha, na Papale i Humu lima m@ a me na Ia Pa@ Hawaii o na ano a pau, he hapalua dala wale no ka auhau.
E na hoaloha, e kipa, e ike kumaka i ka nani o Aipo, he ole k@ lohe pepeaio.
---------: N. S. SACHS :----------
104 Alanui Papu, Honolulu.