Ka Leo o ka Lahui, Volume II, Number 472, 7 June 1892 — Page 4

Page PDF (1.04 MB)
This text was transcribed by:  Sandy Murdoch
This work is dedicated to:  Awaiaulu

KA LEO O KA LAHUI.

"E Mau ke Ea o ka Aina i ka Pono."

 

 

KA LEO

 

John E. Bush.

Luna Hooponopono a me Puuku

 

HONOLULU, JUNE 7, 1892.

 

 

NA MOOLELO OIAIO O KA HONUA.

 

MOKUNA II

 

AIGUPITA---KA NILE---NA PERAMEDA---KA NAAUAO---SESOSTRIS

 

            O Aigupita ka lua o na aina kaulana a kakou e heluhelu ai; a eia ka moe ana o ia aina ma ka palapala honua:  Aia o Aigupita ma Aferika, ma ke kihi e hoohui aku ana me Asia.  O Menesa (Menes) ka Moi mua Aigupita; ua noho alii oia he hookahi haneri me kanaono makahiki mahope mai o Nimeroda, ka mokupuni o Noa.

            He aina kaulana keiki, no na ano lehulehu, e laa hoi ka muliwai e hu mau ana kona wai a pahalo aku i ka momona o ke one ae mai na loko wai o loko lilo o Aferika, i kela a me keia makahiki, a pela no a hiki wale i keia la.  Ma keia ua lilo ka aina he aina momona, a he iuhi ole ke kanu aku.

            Ua kaulana no hoi o Aigupita no kona mau hale nani i kalai ia mai ka palipaa, a me na hale i kukulu lima ia, me na pohaku nunui i kalai ia a i hoonohoia me ka nui kanaka i hiki ai.  O na Perameda kekahi o na hale pohaku kaulana.  Eia no lakou ke ku nei a hiki i keia wa, a o ka mea @ana i kukulu kekahi o keia mau hale o Pelega ka moopuna kuakolu a Sema ke keiki a Noa.  O Numeroda a me Pelega na kukulu hale kaulana o ke ao.  Na ka mua i kukulu o Babela, me na manao hookiekie, a ua hooliloia kana i hana ai i mea ole.  Ua kukulu hoi o Pelega i Peramida, a eia ia hale kupanaha ke ku nei.  Ua kukulu o Pelega i keia hale mamuli o na alakai a ka uhane hemolele, oiai mai kekahi keena k@ena keia hale i loaa mai ai na ano ana a pau---oia ke ana metrica, cubita, a pela aku.  Ua kukulu ia no hoi keia hale ma ke ano o ka moe ana o na hoku paa o ka lewa.

            Iloko o keia keneturia i loaa ai ka ipuka e komo ia ai keia hale.  Ua nui ka iini ia ana mahope iho o ka hoopaa ia ana a paa, aka, aole he loaa iki, a eia, e like me ka wawana, i na la o ka hopena, o kuu ia mai e ike ke kanaka, i kahi e komo ai iloko o na lumi kapu, i waiho paa no aneane ekolu tausani makahiki.  I ka loaa ana o ka apuka ua ana ia a ua kupo@oiei ke ana o kona hamama ana i na hoku paa o ka lewa.  Ua loaa aku no hoi na rami, a me ke kino o ka Parao mua nana i hoohanohano o Iosepa, a me na moolelo oia lahui e hoeia ana @ ka oiaio a i ka pila o ka moolelo a Mose i haku ai no ke ao a hiki i kona wa.  Ma ke ana kupita i ike ia ai ka oiaio, i hooia ia e na ana hoku a me na awa manawa ka nui o na tona o ka halelana a Noa i kukulu ai, oia hoi 100,000.

 

 

            Ma ke ahiahi hola 8 a oi ka po Sabati iho nei, ua iele kohana aku la ka uhane o Mr. Robt. Manuia, ma kahi noho o @ka ohana o kana wahine ma Aala ae nei, a ua nui ka ha'oha'o ia o ke kumu o kona make hikiwawe ana.  Ma Kona make ana, ua haalele iho oia mahope nei he wahine a me na hua o ko laua puhaka, no ka inu ana i ko lakou mau waimaka nona.

 

 

KE KULANA O KO KAKOU MAU HUI KINIPOPO E KU NEI.

 

            O keia malalo iho nei ke kulana o ko kakou mau Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani i haule, mai ka hoomaka ana mai o keia Kau Kinipopo a @iki i keia la:

 

Hui                              Lanakila                      Haule               Paani

 

Honolulu                                 2                          2                   4

Kamehameha              3                          2                   5

Hawaii                         2                          2                   4

Crescent                                  2                          3                   5

 

 

KO MAKOU MAU LUNA LAWE PEPA.

 

            Oiai ua hoopauia kekahi mau luna o KA LEO o KA LAHUI, a ua pauk'i hou ia mai he mau luna hou, nolaila no ka pomaikai o ko makou poe heluhelu, ai hookoia ai no hoi ka pono a pau, ke hoike aku nei makou i ka papa inoa o ko makou mau luna e like me keia malalo iho---

            D. Kahaleluhi  S. Kua

            J. W. Keanu                 Wile Buki

            J. Samoa                      H. Kalei

Ma ke Kauoha.

 

 

HOOLAHA PA AUPUNI.

            E ike auanei na kanaka apau eia ma ka Pa aupuni o makiki nei kekahi Lio, hele hewa Lio, k ulaula i wawae eleele eha ia kekua Hoa, 7Z, AC, kuni hope, ak, na hao kuni o ma hope ua hui oluna o ka hao kuni ma mua ai a malalo.  O ka mea a mau mea nona keia lio e pono e kii koke mai o hala na la he 15, e kuai akea ia aku ke hiki aku i ka la 11, o June 1892, hora 12, awakea Poaono.

            D. KAOAO, LUNA PA AUPUNI.

mei31.

 

 

OLELO HOOLAHA

            E lawe ia mai n@ e ke Komite Pa'i o ka Ahaolelo o 1892 e noho nei, na koho ana no ka hoolawa ana i na mea e makemake ia e pa@ iloko o keia Kau Ahaolelo.

            E waiho ia mai na koho a pau i ka Luna Hoomalu o ke Komite Pa'i, Hale Ahaolelo, aole nae e @ aku mamua o ka Poakahi,  June 6.  Aole no hoi ke Komite e hoopaa ana iaia iho e lawe mai i ke koho haahaa a koho e ae paha.

J. N. S. WILLIAMS, Luna Hoomalu.

 

 

HE HOIKE I KE AKEA.

 

            Ina makamaka a me na hoaloha o'u lahui Hawaii Ponoi he wahi mea hou kau e hoike aku imua o oukou oia iho keia:

            Oiai au e noho ana iloko o ka pilikia a ka mai, o ka mua o ka hoomaka ana mai a ka pilikia ia'u he a@u, mahope pii mai la ka manao  a manoanoa mai la ka ili pii pu mai la me ka wla a puni ke kino, a ua ku maoli ne i ka pilikia a aneane e hoi aku i ka aoao mau o ka honua, aka mamuli o ka loaa ana o kekahi loea akamai i ka lapaau oia hoi kela kauka pake Leong Keng Tong, no kona nui akamai ua loaa ia'u ka lanakila a mia lanakila au e paho@@ aku nei i keia mea hou ano nui aole au i manao e hooikeike aku i kona akamai a me ke ano o ko'u mai, aka i hoikeike au i kumu e ike pono ai oukou a i pau kuhihewa o i ia mai auanei he hoopunipuni, nolaila i noho a i loaa i ka pilikia hele ae hookahi hele ae elua hele ae no a pau loa i ike i ka oiaio he ole ka lohe pepeia@.

Owau iho no

MRS. LOMELE

            Pauoa, Honolulu, May 9, 1892.                                  1m-d*

 

 

HE HOOLAHA I KE AKEA.

 

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loa@ i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa @ he oluolu ka auhau, ke hui me ia ma na kukai olelo ana; ua makaukau wau e pulama mai i na ko@o ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

Owou iho no,

DR. LEONG KENG TONG

Helu 40, Huina o na alanui Kamika me

Hotele, Honolulu, Oahu, Aug. 31. 1v.

 

 

KAUKA YONG KAM PUNG.

(APANA.)

Helu 53m Alanui Maunakea

 

Ke Kauka Loea o ka Aina Pua!

 

Ua hiki ke hoola ia kela a me keia ano

ma'i, mai ko na kane, wahine a me

na keiki liihi.  O na ma'i ha-no

ua hiki loa ia ke hoola ia me

ka maalahi.  A o na ma'i

e pili ana i ka maka

pau pu ia i ke

ola. Ke ho-

ike ia aku nei,

oia ke ola ia nei, me

ka oluolu pu o kahi au-

hau. Ka poe pilikia hanau

keiki a hele nui paha o ke koko

a paa a lohi paha ka hanau ana, paa

paha o ka waiu, e hele nui mai i o'u nei

E KIPA mai e ka poe i hooluu-

luu ia me na haawina pilihua a ka ma'i

a na'u oukou e hooluolu aku.

 

KAUKA YONG KAM PUNG

 

Honolulu Sept 2, 1891                                                                                    272-d3

 

 

HOOLAHA HOU!

 

E ALA,    E ALA.

 

B. F. Ehlers & Co.--PAINAPA.

 

HELU 99  Alanui Papu.

 

            E Hoolohe hou mai e na MAKAMAKA, mai no a lokoin@, e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

 

AIA MA KONA HALEKUAINA

Papale, Wahine

Kinamu Nani   8 Ia  $1.00

Kalakoa Nani  18 Ia  "1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no, a o  na Palule $1.50, he $1.00 wale no.  Ke ike mai la oukou i ka emi loa ana.

            Kupaianaha maoli keia emi naaupo ana e hele koke mai, o nele auanei oukou

B. F. EHLERS & CO.

 

 

Huro!  No ka La Heihei.  Huro.

 

NA PAPALE O NA LEDE I HOONANILA

 "         "           "   "   KAMALII     "

 "   AAHU NANI O NA LEDE.

            He Kuai Hoemi Kuikawa no ka la 11 o Iune, ke malamaia ana ma kahi o.

N. S. SACHS,

 

104 Alanui Papu,  Honolulu

 

E hoemi ana makou i ke kumukuai o ka Makou mau PAPALE no ka la

11 O IUNE.

 

E kokoke mai nei, ma ke kuai ana aku ma ke KUMUKUAI HAAHAA loa i          ike mua ole ia mamua, eia ia makou

 

Na PAPALE ANO HOU LOA MAI NEI, a pela no hoi me NA ANO HOONANI HOU O NA PAPALE

o ke ano maemae a oi loa o ka maikai, a ua loaa pu mai nei no hoi ia makou.

 

NA PAPALE LUINA o ke ano hou loa mai nei, nolaila, e kipa mai ma ko MAKOU Halekuai nei i ike maka, a e huipu aku au no hoi makou i ke

 

KUAI HOOPAU O KA PAPALE O NA KAMALU

Na Papale Hele Kula o na opio, he 25c wale no, oiai nae o kona waiwai     io he 50 me 75 keneta.

 

            Ina oe e makemake i lole maikai no ka la 11 o Iune, eia ia makou kai i waiho ai, a ke kakali aku nei no Kou kii mai,

 

            Na Lole Hapa Kanikau i hiki ke h@l@i ia o kE ano Akala, Halenalena, Bolu a me Keokeo o ke ano maikai loa a pilikia ole hoi ke holoi ia, he 25 keneta wale no o ka i-a.

 

            Na Keokeo Lihilihi Paa pu maikai loa, a me ua ano waihooluu a nau a ka manao e haakoi ae ai, e kuai ia aku ana no ke kumukuai haahaa loa.

 

            Na Lole Keokeo a me na Lole Panio o na ano a pau i hiki ke hole@a me ka ma@ ole, he nui loa ia makoU.

 

            E na hoaloha, e kipa, e ike kumaka i ka nani o Aip@, he @@ ka lohe pepeiao.

 

            E Hoomanao aia ke Kuai Hoemi ma kahi o

:N.  S.  SACHS:

3-dts.                                                                           104 Alanui Papu, Honolulu.