Ka Leo o ka Lahui, Volume II, Number 478, 15 June 1892 — Page 1

Page PDF (1017.46 KB)
This text was transcribed by:  Kaanoipua Roback
This work is dedicated to:  Tutu Lolena

KA LEO O KA LAHUI.

"E Mau ke Ea o ka Aina i ka Pono."

 

Buke II.                                   HONOLULU IUNE 1@, 1892                     Helu 476

 

HE MOOLELO

NO KE KEIKIALII

 

AWAREDA!

a me

KA UI LEILA

O Noremadi.

 

(K@k@@@ @@ Ka Leo.)

MOKUNA IX.

 

Na ka Huhu i Hapai—Hanau mai ke Karaima.

 

            O ka panina hope loa keia o na olelo i kamailio ia mawaena o laua ma ia po, no ka mea, i ka pau ana no, huli ae la o Kabe@ana a hoi aku la no kona home lua malalo o ka malu aka o ka po.

            Aia hoi ike aku la oia i kekahi kino kanaka e pouliuli mai ana ma ka puka o kona ana.

            Owai kela?  Wahi ana i ninau aku ai

            Owau no keia o Lameka. Kau kauwa e ka makua hemolele.

            Auwe, ae—akahi no au a hoomaopopo aku la ia oe.

            Ano, e Lameka, ke hauoli nei au no kou hele ana mai nei, no ka mea makemake au e lohe i kekahi mea hou mai a oe mai.

            Ua loaa anei kela kanaka au i olelo mai ai ia`u?

            Ua loaa oia ia’u, a ua makaukau hoi oia no ka hooko ana i ka hana i mukemakeia i keia manawa, ke pono ia i kou noonoo ana.

            Aia oia ihea au i haalele aku nei?

            Ua haalele aku nei au iaia mawaena o kaua a me ke kulanakauhale, wahi a Lameka.

            Aiai@a, ua pau ka kaua kamailio ana no ia mea.

            Aka, pehea la, he manaopaa anei kou e loaa ana ia oe ka lanakila i keia po, oiai ka hale o @Kamila ma ua paa i ke kiai ia?

            Mai kamailio mai oe no ia mea. Aka e waiho kaua ia mea pela a na ka la apopo e kuailo mai.

            Ina pela ea ua pono.

            He mea pono e lawelawe ia na mea a pau me ka @@@ole a me ka eleu no hoi.

            I keia po no anei e hookoia ai kela hana nui?

            Mai u-i mai oe ia’u, no ka mea, ua hilinai aku au maluna ou.

            O ka manawa au i ike ai he pono. Oia ka manawa e hana ia ai ua hana la, o ko’u makemake wale no, oia ka holopono o na mea a pau mai ka mua a ka hope e Lameka.

            Aohe manawa kupono e ae i ko@@ manao ana, o keia wale no.

            Ina pela, e nana aku oe me ke kali ole, a na ka`u mau hua pule e haawi ia oe i ka lanakila.

            Me ka hooloihi ole aku i ke kamailio ana huli ae la ua na@ita Lameka nei a haalele iho la i @@ kahunapule no kekahi alanui pokole ana i manao ai e puka koke i kai o ke kulanakauhale.

            Aole i huliu kana hele ana, aia hoi loaa aku la iaia na kanaka ana i heie ai e wae no ka hooko ana i ka hana i makemakeia e kakali mai ana nona.

            Mahope iho o kona kuhikuhi pono ana ia lakou i ke ano o ke kulana o ko lakou nee ana, a pela aku, alaila hookuu aku la o Lameka ia lakou no ko lakou kulana pakahi o ka hana.

            Me ke kali ole, huli hou ae la oia a hoi hope hou aku la @@ ka ululaau

            A no ka manawa pokole wale no. loaa aku la iaia o Koma. kela kanaka lawaia a Ka@er @a i olelo mai ai. e kakali ana no na ma ka mana o kekahi mau alanui elua.

            O ka oili a@a mai no ia o ke aliiwahine o ka po ia manawa. e kiola iho ana hoi me ka haaheo i kona malamalama maemae mawaena o na lau laau, a maluna hoi o na wai o ka muliwai.

            Nolaila, ua ahuwale me ka hoakaka lea kahi a na Koma nei e ku ana imua o ko Lameka mau maka.

            He kanaka kino nui oia a manoanoa, e like me kekahi bipi bulu, a he holoholona weliweli maopopo hoi ma kana mau apana hana a pau.

            He kapa ili holoholona ke kikepa ana ma kela a me keia aoao o kona puhaka. me he pa-u hula ia, a oia waie iho la no ka mea nana e huna ana i kona kino olohelohe.

Aole i pau.

HE MOOLELO HOONANEA

-NO-

Ebena-Lo

Ke Keiki’lii o Arabia

A ME

ROVINA.

Ka Ui o Dareba

@ @ @@ @

He Nanea Kamahao no na Hoahanau he Kanalima.

 

            O na hora hoeha iii paha ia o ka wanaao. ka manawa hoi a ke kehau e iho ana e iniki i na mea ola. aia hoi ano mala@a ae la ka hiamoe o ka ui Rovina o Dareba. ka lua hoi o na pua nona keia moolelo mamuli o ke koekoe.

            O kana hana mua loa mahope iho o kona ala ana ae, oia ke apo ana aku o kekahi lima i ka @i o ka mea ana i aloha ai a hoohuli mai la iaia, me ka manao e pupue aku ma kona poli i hala ae ia anu nui e lalawe ana i loko ona, me he poke hau la i hoopili ia ae malalo pono o kona kino.

            Aia hoi, ua like ke kino o ua ipo nei ana me ka pauku laau ka hoololohe, ua kahea aku oia ma ka inoa aole nae he pane i loaa mai.

            Nolaila ua ala loa ae la oia iluna a nana iho la i ka mea e huihui ana i kona ili, auwe! he koko, nolaila ua helelei iho la kekahi mau olelo o ka eha welenia o ka naau mai kona mau lehelehe iho.

            A iaia i kiei pono iho ai maluna o ka mea a kona naau i lia ai. auwe o kela koko ana i ike ai—ke koko hoi nana i hoala kona hiamoe, aole ia no ka w@a e, aka no kana hua ohia no ia, ka mea hookahi hoi i loaa iaia mawaena o na kakalaioa o ke kula.

            Auwe! wahi a ua nohea nei i uwe kapalili ae ai, akahi no la o ka hoolale ole mai, oia ka o ke kiao wailua ka`u e puliki nei, ua hala ka uhane ke aho o ko kino e kuu milimili.

            Me keia mau olelo maluna ae, lalau iho la ua nohea nei i ke poo o kana aloha a hapai malie ae la iluna a hookuu ino la iluna o kekahi o kona mau uha. me ka uwe kapa lili @ou ana iho maluna o ke kino oni ole o kona hoa pili o na la pokole, e kime ana hoi ma o a maanei imua a i hope me he hehona la ke nana aku.

            Iloko nae o ka nui o kona leo i ka uwe, me ka anapuu ana o kona kino iluna a i lalo, e hoike ana hoi ua pualewa loko i ka minamina, a ua kupuuli hoi i ke aloha, aole nae he ola uhane hookahi i hoea aku ma ia wahi ia wa o kona luuluu. no ka mea ua puehu mua na hoahanau hana lokoino o ua Ebena nei aia ke kamoo la ma ke ala no ke kulanakauhale alii o Herona, e like me na mea a kaua i ike mua ae nei, a oia hookahi wale no ke hakoko kino palupalu ana me ka hopena weliweli i kau iho maluna o kana aloha ia po.

            I ka nana aku i ua Rovina nei ua makaukau loa oia e haawi iaia iho na ka make, oiai oia e hii ana i ke kino oni ole o Ebena. me kona mau lima hoi e hapapa ana iluna o ka ilihonua – e huli ana hoi a loaa ka pahi i hou ia ai o Ebena, eia nae aole he loaa, Ina paha aole i lawe pu na mahana@ o na i@@ nei ana i ka pahi me lakou, ina ia ua make pu me ka ui o Dareba ia po hookahi.

            O! wahi a @@ Rovina nei me ka leo paupauaho i hoopuka @@k@ ia ae o ke ka@mana palena ole, @@hea ka mea nana i pepehi iho @ i ka mea a loko i aloha ai. makemake au iaia e hele hou mai e pepehi ia`u a make.

            Auwe! no ke aha la oia i no@koe ai ia’u no ke aha i lumai ole mai ai i kana pahi iloko o kuu puuwai nei?

            Heaha ko’u waiwai e ola ai, ke ole kuu manu nunu, ka mea nana i ai maikai kuu malawaina, o ola anei au na na alop@ka hanaino malawaino o ke kula.

            He nui wale na ole kaukau o keia ano i kamailio ia e ua Rovina nei, e pilipu ai ka manao o ka mea e @@@@ ae ana ma ia wahi ia manawa, a e manene no auanei ko lakou mau @@ino ke lohe i kana mau mapuna leo o ka mea i kuk@@@@@nu maoli ke aloha, no ko laua mau la pokole i pili ai a mawahe koke ia e ka lima koko.

Aole i pau.

KA HOOLAHA A EGAN @ OU@@

Na Papale Ie Raiki o na kanaka Opio

Na Papale Ie Kaleponi @@@@@@ o na Kamalii

Na Kamaa o na Kanaka opio

“    “        “ Kamalii

Ko na Kane mau Lai-ai, a me ka Paa Lole o na opio mai ka $2.00 a pii aku.

 

No hookahi wale no la a @@@@@ @ kuai hoopau aku ai i kela mau waiwai maluna ae ma ke k@i@@ oia ka Poaono, June 4. 1892

EGAN & GUNN

Alanui Papu 100 Halepohaku o Burua 2@@@@lly

 

J.  T.  WALAKAHAUKI

Helu 10.

ALANUIPAPU.

 

Kuai Hoemi Nui ma na Mahele a pau!

 

E kuai Holopono ia aku ana elike me ko Amerika a me ko Europa kuai ana, keia mau waiwai malalo iho nei.

Na Kalakoa, ka kinaniu, Na Uwewahine, na Sati@@, Na Palule Keokeo o na Kane, Na Kahiko Lei-ai o na Kane, Na Lako Lole i Hookomoia mai nei, Na Makal@@a & Lako Lole Keokeo, Na Lihilihi Eleele Fa@@ai a me ko ka Hikina.

 

Na L@@@@i o kela a me keia ano, Na @@@@@@, Na @@@@, Na Lopi Silika humuhumu @@@, O na kumukuai ma na Hale Hana Lole o Na Muumuu Wahine, Na hakini a me na @@@lu, Oia no

 

Ma ke!a Kuai nui o na k@@@@! E olelo ia ana ma kahi o

J. T. Waiakahauki

            ALANUI PAPU.

may 10 1wkd