Ka Leo o ka Lahui, Volume II, Number 478, 15 June 1892 — Page 4
| This text was transcribed by: | Joann Tsark |
| This work is dedicated to: | Eddie Oh |
KA LEO O KA LAHUI.
"E Mau ke Ea o ka Aina i ka Pono."
KA LEO
John E. Bush.
Luna Hooponopono a me Puuku.
HONOLULU, JUNE 15, 1892.
I NA HOA HELUHELU
Mamuli o ka anoi nui a me ka makemake paulehia o ko makou mau makamaka heluhelu o lawe nei i Ka Leo o ka Lahui e hoopuka mau ia ko lakou mau inoa hookaa mahina iloko o ka nupepa, ka inoa o ka luna, a me ka la i hookomoia ai iloko o ka nupepa. No ka pomaikai o na makamaka, a i kumu hoi e hoopilikia mau ole ia ai ko makou mau makamaka e na luna hana apiki ke lawe nei makou i ke koikoi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou e hooko nei a e lilo no hoi keia hoolaha i bila hookaa no ka wa e okiia ai kehahi luna hana apiki, e loaa ana ia lakou ka pepa ma ke Keena i na wa a pau i makemakeia. Nolaila, e awihi ae e ka poe hookaa mua o keia mahina.
________
Ma ka Hotele Hawaii ae nei ka bana kahi i houheuhene ai i ka po nei.
________
He elima mau mokuahi i haalele mai i keia awa no ko lakou mau awa liko ole ma ka la inehinei.
________
Ua haulani mai ka ihu o ka Auseteralia i kona uwapo, mamua o ke kani ana o ka aina awakea o ka la inehinei.
________
Ua kopi ia ai kekahi mau pake me na eke paakai he kanalina ($50) a ke poo hookah, ma ka Poakahi iho nei, no ka hewa he paani che-fa.
________
Ua halihali mai ka mokuahi Auseteralia maluna o kona hokua ia E. Hapakini, kekahi o na Kapena makai o kakou nei, i ku aku nei i ka paele nana i pepehi i kela pake i ho@huoi ia iho nei mamua.
________
Ua pahola mai o Nemling o ka moku kaua Fasana i kona mahalo, i ka poe i hoouna aku i ka lakou mau pua no ka hoonani ana i ka huakai hoolewa o ko lakou Kapana i malama ia ma ka auina la o ka Lapule i hala.
________
Mawaena o na hui kinipopo ili ula ka hakoko i keia Poaono, ma ko lakou kahua maa mau, a ua koho wale ia e oi aku ana ka hahana o keia paani ana a laua, mamua o na paani mua i hala. Nolaila e naue aui ae i ike maka, o lohe pepeiau ana nei.
________
KE KULANA O KO KAKOU MAU HUI KINIPOPO E KU NEI.
O keia malalo iho nei ke kulana o ko kakou man Hui Kinipopo i keia Manawa, ka nui o ka lakou paani ana, ka lakou mau paani i lanakila a me ka lakou mau paani i haule mai ka hoomaka ana mai o keia Kau Kinipopo a oiki i keia la:
Hui Lanakila Haule Puahi
Honolulu 2 2 4
Kamehameha 3 2 5
Hawaii 2 2 4
Crescent 2 3 5
_______
OLELO HOOLAHA
E lawe ia mai no e ke Komite Pa’i o ka Ahaolelo o 1892 e noho nei, na koho ana no ka hoolawa ana i na mea o makemake ia e pa’i iloko o keia Kau Ahaolelo.
E waiho ia main a koho a pau i ka Luna Hoomalu o ke Komite Pa’i. Hale Ahaolelo, aole nae e oi aku mamua o ka Poakahi, June 6. Aole no hoi ke Komite e hoopaa ana iaia iho e lawe mai i ke koho haahaa a koho e ae pahi.
J. N. S. WILLIAMS.
Luna Hoomalu
_______
OLELO HOOLAHA
Ke hoikeia aku nei i na kanaka a pau like me ko kuleana i loaa ia’u mai a David Kalakaua Rex ma kona palapala Alokio ia’u o ka la 15 o Novemaba, 1890: me na hooiaio kupono, a me ko ka Mea Hanohano A. F. Judd, Luuakanawai Keikei olelo hooholo no ka hooiaio kupono ana ma ka la 4 Iune, 1892.
Ua kauohaia au e hooko i na mea a pau no’u elike me ka palapala kumu.
Akahi—Ke hai ia aku nei, ua lawe ae nei au i na wahi e hoakaka nei malalo iho: Ka hapakolu iloko o ka aina mahi raiki ma Kaiwiula, me na mea e pili ana, ma ka akau, me kela aina o Kawaiholo.
Alua—Ke kula pohaku paakea makai me na loko o Alenoho nui me Alenoho-iki, oia o (Auiki).
Akoku—Hookahi hapalua @@@@@, Kahuakai, Hamama o Kapakahakai, a me ke kai o Honuku, e pili ana ia na palena o Kaliawa.
O keia kekahi mau aina i kuhikuhiia iloko o ka Apana1, o ka Palapala Sila N@i Helu 6450; o Kaunehua no W. L. Moehonua iloko o ka Iliaina o Mokauea, Kalihi, Oahu.
Ke paleo ia ahu nei; na kapu na kanaka e ae aole he mau hoa aina no’u: ua noa i ka’u mau hoa aina na pono ma ka aina, ma na kai hamama; he hapakolu ko ka hoa aina, me ka anae ka i-a ma ke kai a he Kiawe ka laau hoomalu o ka aina. Ke hanaia e ko’u mau hoa aina ka manao maikai o ke kanawai, ua ae ia, o na mea kuleana, e hoike mai iaia i na Manawa a pau me ka pono.
O na holoholona komohewa me na kanaka maluna o ua mau aina le e hanaia elike me ke kanawai o a’u me ko’u mau hope.
S. W. Mahelona.
Puuhale, Iune 6, 1982.
June7 lm@
HE HOIKE I KE AKEA
Ina makamaka a mena hoaloha o’u lahui Hawaii Ponoi he @ahi mea hou kau e hoike aku imua o oukou oia iho keia:
Oiai au e noho ana iloko o ka pilikia a ka mai, o ka mua o ka hoomaka ana mai a ka pilikia ia’u he anu mahepe pii mai la ka maneo a manoanoa mai la ka ili pli pu mai la me ka wela a puni ke kino a ua ku maolo no i ka pilikia a aneane e hoe aku i ka aoao mau o ka honua, aka mamuli o ka loaa ana o kekahi loaa akamai i ka lapaau oia hoi kela kauka pake Leone Dong Tong no kona nui akamai ua loaa ia’u ka lanakila a me ia lanakila au e pahola aku nei i keia mea hou ano nui aole au i manao e hooikeike aku i kona akamai a me ke ano o ko’u mai, aka i hoikeike au i kumu e ike pono ai oukou a i pau kuhihewa o i ia mai auanei he hoopunipuni, nolaila i noho a i loaa i ka pilikia hele ae hookahi hele ae elua hele ae no a pau loa i ike i ka oiaio he ole ka lohe pepeiao.
Owau iho no
Mrs. Lomele
Pauoa, Honolulu, May 9, 1892.
1m-d*
HE HOOLAHA I KE AKEA.
_________
E ike ananai na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na mai’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai main a Mokapuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG TONG.
Helu 40, Huina o na alanui Kamika me Hotele, Honolulu, Oahu. Aug. 31. Lv
_________
Kauka Yong Kam Pung.
APANA.
_________
Helu 53, Alanui Maunakea.
Ke Kauka Loea o ka Aina Pua!
_________
Ua hiki ke hoola ia kela a me keia ane mai’i, mai ko na kani, wahine a @@@ na keiki liilii. O na ma’i ha-no ua hiki loa ia ke hoola ia me ka maalahi. A o na ma’i e pili ana i ka maka pau pu ia i ke ola. Ke hoike ia aku nei, aia ke oia ia nei, me ka oluolu pu o kahi auhau. Ka poe pilikia hanau keiki a bele nui paha o ke koke a paa a lohi paha ka anau ana, pa@ paha o ka waiu, @ hele nui mai i o’@@@.
E KIPA mai e ka poe i hoola l@@ ia me na @@@wina @@@@@ a ka ma’i a na’u oukou e hoolaola aku.
KAUKA YONG KAM PUNG.
8 Honolulu@@@. 2, 1981 272-d3
_________
HOOLAHA HOU
E ALA, E ALA
B. F. Ehlers & Co – PAIN APA
HELU 99 Alanul Papu.
E Hoolohe hou mai e na MAKAMAKA, mai no a lokoino, e hele mau mai no oukou e ike ia PAINPA, no ka mea, he kanaka oia i noho a kamaaina i keia kulanakauhale.
AIA MA KONA HALEKUAINA
Papale Wahine ……………………………………………..
Kinamu Nani 8 Ia…………………………………………..$1.00
Kalakoa Nani 18 Ia…………………………………………$1.00
E kuai aku ana MAKOU i ko makou mau waiwai a pau no ke Kamukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palole $1.50 he $1.00 wale no. Ke ike mi la oukou i ka emi loa ana.
Kupaianaha maoli keia emi naaupo ana e hele koke mai, o hele auanei oukou.
B. F. EHLERS & CO
_________
Huro! No ka La Heihei. Huro.
_________
NA PAPALE O NA LEDE I HOONANIIA
“ “ “ “ KAMALII “
“ A AHU NANI O NA LELE.
He Kuai Hoemi Kuikawa no ka la 11 o Iune, ke maiamaia ana ma kahi o.
N. S. SACHS
_________
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la
11 O IUNE.
_________
E kokoki mai nei, ma ke kuai ana aku ma ke KUMUKUAI HAAHAA loa i ike mua ole ia mamua, eia ia makou
Na PAPALE ANO HOU LOA MAI NEI, a pela no hoi me NA ANO HOONANI HOU O NA PAPALE
o kea no maemae a oi loa o ka maikai, a ua loaa pu mai nei no hoi ia makou.
NA PAPALE LUINA o kea no hou l@a mai nei, nolaila, e kipa mai ma ko MAKOU Halekuai nei i ike maka, a e huipu aku au no hoi ma kou i ke
KUAI HOOPAU O KA PAPALE O NA KAMALII.
Na Papale Hele Kula o na opio he 25c wale no, oiai nae o kona waiwai io he 50 me 75 keneta.
Ina oe e makemake i lole maikai no ka la 11 o Iune, eia ia makou kahi i waiho ai, a ke kakali aku nei ao kou kii mai.
Na Lole Hapa Kanikau i hiki ke holai ia o kea no Akala Halenale na, Bolu a me Keokeo, o ke an@ maikai loa a pilikia ole hoi ke holoi ia, he 25 keneta wale no o ka i-a.
Na Keakeo Lihilihi Paa pu maikai loa, a me na ano waihoolau a nau a ka manao o haahui ae ai, e kuai ia aku ana no ke kumukuai haahaa loa.
Na Lole Keokeo a me na Lole Panio o na ano a pau i hiki ke huloi@a me ka mae ole, he nui loa ia makou.
E na hoaloha, e kipa, e ike kumakai ka nani o Aipo, he @@@ ka lohe pepeiao.
E Hoomanao au ke Kuai Hoemi ma kahi o
-------N. S. SACHS:-------
3-d@. 04 Alanui Pap@, K@@@@@@