Ka Leo o ka Lahui, Volume II, Number 483, 22 June 1892 — Page 2

Page PDF (1.09 MB)
This text was transcribed by:  E K Soares
This work is dedicated to:  Kaiewe(w)

KA LEO O KA LAHUI.

"E Mau ke Ea o ka Aina i ka Pono."

 

KA LEO O KA LAHUI.

JNO. E. BUSH.

Lunahooponopono a me Puuku.

POAKOLU IUNE 22, 1892

 

KA AHAOLELO

            O kekahi o na mea i hoopaapaa nui e ka Hale ma ka Poakahi nei oia ka mea e pili ana i ka hoike a ke Komite Kalopa, no ka mea ma kana hoike ua noi ae oia i ka oluolu o ka Hale e kapae loa ia ka noonoo ana i ka bila e hoopehu ana i ke dute maluna o ke kope mai ka 6 keneta a ka 12 keneta no ka paono.  ua ulu mai keia manao ana i ke komite, mamuli o kona ike ana, aole i lawa i ke kope ponoi o ka aina nei ka hoolawa ana ia kakou me ke kope, a oiai ke mea haule ole ke kope i na poe a pau, a o ke kau ana i ke dute koikoi, ua like no ia me ka hoopii ana i ke kumukuai o ke kope.  Mahope nae o ka hoopaapaa ana o na hoa, ua hoole ia ka apono ana i ka hoike a ke Komite, no ka waiho ana ma ka papa a noonooo pu me ka bila.  O ka manao nui ma ka aoao e hoole ana i ka hoike, oia no ka makee ana i ko kakou hana hooulu kope ma ke keakea ana aku i ko waho kope aka nae na keia makahiki ae e hoike mai i ka puana oiaio a ka moe, i ka hiki ole ia Hawaii nei ke hanai iaia iho ko ole ko waho komo ana mai.

 

Na Limahana Hou he 1,080.

            Ma ke ku ana mai o ka mokuahi Jamasiro Maru i ka Poakahi nei, mai Iapana mai, ua lawe pu mai oia mawaho ae o kona mau ohua kapena no keia awa, he 1,060 limahana iapana.  Mamuli o kekahi kumu, aole lakou i ae ia e lele mai iuka nei, a ma ka halawai a ka Papa o'a ma ka la inehinei, ua haawiia ka moku malolo o ka mana o C. B. Reynolds, ka Agena nui o ka Papa Ola, no ka hoomalu ana.

 

HE HANA KU I KE ALOHA

Kakabua Mai.

I KA LEO O KA LAHUI, Welina auanei oe a nui:

            E olu'u oe a e ahonui mai hoi, e lawe aku a hoopamehana  ino ma kahi kaawale o kou kino lahilahi i keia malalo iho:

            Ma ka pule mua iho nei o keia mahina, ua hoouna manawalea mai ke keiki lalawai puuwai hamama Wili Laiki o ka mokupuni kihapai he mau lau ia akule i ka Panalaau nei, ma ke ano mmakana wale na makou ka poe i loohia me ka mai makemake ole.  Ma ia hana ana, ua haupu ae la au a me kou mau hoa o ke kuono o na waimaka, i ka mea i hoikela ma Mapaio; mok. 22; pauku 37-39.  E aloha aku oe ia Iehova kou Akua me kou naau a pau, a pela aku.

            Nolaila, nou e Wililaiki ko makou aloha me ka mahalo piha, me ka pule mau e hoopomaikai, mai ke Akua Mana Loa i kou mau la ma keia ola ana a na kona loko maikai e hoohui hou ia kakou.

            Ua lawa au maanei.

                                    K. W. S. KUAIULI,

Kalaupapa, Molokai, Iune 16, '92.

 

HE LETA MAI KONA MAI.

E ka Nupepa Ka Leo

            Aloha oe:-

            1 - Mamuli o ka hiki kino ana mai o ka Makai Nui o ka Mokupuni o Hawaii.  E. G. Hikikoki, ua hooko ponoia iho la ke kanawai maluna o kekahi Pokiki kuai rama, no na makahiki loihi, a wahi a ka Lunakanawai Apana o Kona Hema nai, ua nui loa koua minamina no ka loaa ole iaia he wahi puka e pahemo ai ua deragona ala.

            2 - Eia kekahi wahine hoomanamana ma ka apana o Napoopoo nei o Mrs. Kanele, a wahi ana, ina e paa ana ka hale o ke akua, e iho kino mai ana o Iesu Karisto, a ua nui loa ka poe i huli mahope o keia hana, a na pau kekahi mau hoaaina o Keei i ke kipakuia e Keanu.

            2- He oi keia o ka makahiki ua o Kona nei.

                        S. H. KAUAHIOKALANI.

 

KAU AHAOLELO O 1892

LA HANA 18

Poaono, Iune 18.

Na Hana o ka La.

Heluhelu          8 ana o kabila 12.

    "                "   "    hooholoia.

    "                 "   "    16

    "                 "   "     38

    "                 8  "      33

            Haawinia i ke Komite o na Loaa a me na Hoolilo e like me ke noi a Makapolena.

            Heluhelu elua ana o ka bila 34.  Haawiia i ke Komite Hookolokolo, e like me ke noi a Nuamana.

            Hoopanee ka Hale.

 

LA HANI 19.

Poakahi, Iune 20.

Halawai ka Hale e like me ka mau

Na Palapala Hoopii.

            Waila, e hoomauia ke dute maluna o ka raiki.  Waihoia ma ka papa no ka noonoo ana me ka bila.

            Waika, Aki, Kanealii, Kaunamano a me Edmona, he mau palapala hoopii o ke ano hookahi e like me ka Waila.  Waihoia lakou a pau ma luna o ka papa no ka noohoo ana me ka bila.

            Kamauoha: 1.  e hoopukaia i laikini no ke puhi ana i ka waiona; 2.  E ae ia ke kuai ana i ka waina a me ka bia.  Waiheia ma ka papa no ka noonoo ana me ka bila.

            Nawahi; 1 E hoopauia ke kanawai e pili ana i ma Luna Helu nui, 2. E hooakakaia ka uku o kela a me keia makahiki.  Waihola laua elua ma ka papa.

            3.  E hookaawaleia haawina no ka hana ana i alanui mai Hilo a Puna.  Haawiia i ke Komite o na Aina Aupuni. 4. I puu dala no ka hana ana i awa pae m@ Puna.  Haawiia i ke Komite maluna ae.

            Buki, i Kumukanawai Hou.  Waihoia ma ka papa.

            Loio Kuhi@@ a @a makaukau kana hoike ma ka olelo Enelani.

            Waila, i ka hoike i ke Komite Kalepa no ka bila o pili ana i ka hoopii ana ae i ke du e o ke kopa, o hoike ana e hoopanee loa ia ka bila Waihoia ka hoike ma ka papa no ka noonoo ana me ka bila.

            Hoopanee ka Hale.

 

AUINA LA.

Akoakoa hou ka Hale.

            Koahou, he noi e hoomana ia mai ke Komite A@@uma, e noii pono i ka poiuma ma ka lima o ka Ilamuku.  Pane ka Peresidena, ua loaa i ke Komite ia mana ma na ano a pau.

            Maraderi, i ka hoike a ke Komite o na Loaa me na Lilo, e pili ana no na hoolilo o ke aloalii, o hoemi ia i $4,000, waihoia ma ka papa no ka noonoo ana me ka bila.

 

Na Olelo Hooholo.

            Akipoka, he mau ninau i ke Kuhina Kalaialina, ina paha ua hoopuka oia i ka laikini kuai waina no kekahi mea ma Kahului, a i ole paha ua hoole oia i ka hoopuka ana i na laikini oia ano i kekahi.

            Nana no, he mau ninau lehulehu i ka Loio Kuhina, e pili ana i na poe i hopuia no ke kipi me ohumu kipi - ka poe i hopuia me ka palapala hopu ole - na haole hoopae malu i na waiwai me ke dute ole ia, ma Feberuari 1891.  A ma ka hope loa o kaua olelo hooholo, ua noi ae oia i ka oluolu o ka Hale no ke koho ana i Komite o elima lala, no ka noii pono ana i na mea a pau e pili ana ia Bloom me Doublass, ka Loio Kuhina a me ka Ilamuku, Aponoia ma ka haawi ana i ke Komite Hookolokolo.

            Marsden, e hookaawaleia maloko o ka Bila Haawina i pun dala no ka hoolilo ana i na manu nunu i mau ahai lono.

            J. M. Hona, he kanawai e pili ana i ka oihana kinaiahi o ke aupuni.

            Na@@ no e pili ana i ka uwapo a me ka halepapua o Hilo, a me ke kaaahi o Hilo a me Hamakua.

            Waila, he kanawai e pili ana i ka hale waiho aila mahu.

            Kamauoha, i puu dala no ke kukulu ana i hale hookolokolo me kahi e nohi ai ka luna paahao ma Kohala Akau.  Haawiia i ke Komite o na Hana Hou.

            Nana no, e pili ana i na kumu kula.

            Kapanu, he kanawai e pili ana i na paaua o na moku hele pili aina.

            Akina he kanawai e hooleli ana i ka pauku 8 o ka mokuna 8 o na kanawai o 1888.

            Koahou, e hookaawaleia i puu dala no na lilo o kekahi alanui ma Palama.

 

@@@@@@@@

            N@@@@@@ ka @@@@@@@@ o he Komite o ka Hale Boki, ma ka noho La@@@ Hoomalu Kekau@@@@.  Elua o ka Aha Kaapuni Mo@  ka Aupuni @@@.  Hoohaleia me kekahi hoololi.

            Kakanolelo o ka Aha Kaepuni 3 o ke Aupuni, $1,000 Hoohaleia.

            Kakauolelo o ka Aha Kaapuni Eha o ke Aupuni $600 Hoohaleia, hooholola.

            Na Hoolilo o Aha Kiekie $12,000 hooholoia.

            Na Hoolilo o na Aha Kaapuni $12,000 hooholoia.

            Na Hoolilo o na Aha Kaapuni $10,000 hooholoia.

            Na Hoololi o na Hoike ma na Hihia Karaima $5,000 hooholoia.

            No ka hoolako ana i ka Buke Kanawai $2,000, hooholoia $1,000.

            Na lilo Huikau, $2,000.  Hooholo ia $1,3000.

            Uku o na Maheleolelo o na aha a pau $2,500.  Hooholoia $2,000.

            Uku o ke Kakauolelo o ka Aha Hoomalu o Honolulu $3,000.  Hooholoia me ka hoololi $2,400.

            Maheleolelo Pake $3,000, hooholoia.

                   "                    Pukiai $2,400, " $1,800

            No ke Pai ana a me ka Humu ana i ka ewalu o na Hoike o Hawaii nei $2,500.  Hooholoia $2,300.

            Na Elele o ka Aha, $2,400, hooholoia.

            Hora 4:05, hoopanee ka Hale.

 

NU HOU KULOKO.

            Ahaolelo ko keia la, hora 10.

 

            Mai poina i ka halawai a ka aoao Kalaiaina i keia @@hi.

 

            Ua puehu aku ka Auseteralia ma ka la inehinei, me kekahi mau ohua mai keia awa aku.

 

            Mea ia mai hoi, ua hoi aku no Amerika ma ka la inohinei, o Kapena Beach, kela haole i'a a Pelehu i hoohaahaa ai.

 

            O Mr. C. H. Dickey ka luna helu hou o Maui i keia mau la, ma kahi o H. G. Treadway e paa nei i ke kulana makai nui no ia mokupuni.

 

            He mea hilahila no makou ka lohe ana wai, i ka hoao ana o kekahi wahine Hawaii ma Haimoepio ae i oi i kela la aku nei, e koala i ke ahi i ka maiau-wawae a kekahi mea, me ka hana pu ana i'ka nio: a me ka paakai e iike me ke ano kahiko, i mea o poiuo ai ke ola o ka mea nana ka maiau-wawae.  Pau ole no hoi ka epa a Hawaii.

 

            Ia oukou e na poo maa kula a wahi honokuu holoholona paha, ma ke ano hoolimalima, o pono oukou o hana a paa ka pa, i ole ai e holo auwana aku na holoholona ma o a maanei, a pau i ka kapu ia mai o kahi mau kuleana aina o ao, a ke pohue hookahi o ka mahina, wikiwiki ka lima i ka lakou; noho noo he malama pono i na holoholona.  E hana me ka pololei, aole o ke kapakahi.

 

@@@@@@@@@@@@@@@@@@@@@@

@@@@@@@@@@@@@@@@@@@@@@@@@@

@@@@@@@@@@@@@@

 

            Ua ku mai ka @@@@@ o @@@@ ia inoh@@@@, mai @@@@ @@@ @@@@ @@@ no ka holi makuni.

 

            He kanaka pupule kekahi i @@@@ ia no ka Hale Pupule i ka @@@@@ nei, nona ka inoa o Paahee, mai Hamakua mai Hawaii.

 

            E haawi ana o Peresidena Homer o ke kala Punahou, he papa aina no ua kumu a me na houpeana o ke kula, me ka po o ka Po@@@ ma Punahou.

 

            Mawaoua o na ukana i @@@@ aku e ka Auseteralia mai hola @@@ aku, he kumu @@@ makaha kekahi na ka Moiwahine Kane m@@@ Kapiolani i ka Puka o ka Ip@ka Oala, Kaleponi.

 

            Ke hoohuoi nei kekahi po@ no @@ Akamai ili ana iloko loa @@@@@ me ho moa la ua hookokol@@ loa @@  i ka aina, ina pela, alai@@ hoike kona hana o ka manao ana polei Kuailo ia mai.

 

            Mamuli o ka pahee loa o kekahi o na kaahapaumai o ke alanui moi i ka welowelo ma ke ahiahi Poakahi nei, ua kapeka ao la kekahi m@@ mawaho o ke poi i ko loaa, mawaho iho o ka pailina ma Koula, a @@@@ pu ka lole wawae a me ka alualu o ke kuli.  Laki nae, aole ke ola i poino.

 

E Hoi, e Hoi Mai oe.

Ke hea mai nei e Kahuhuna

            E hoi i ka home me ka makua

Aia ilaila pua-melia

            Ha@@ ala me ka onaona.

                        E hoi, e hoi mai oe

                        I ka olu o Makalei

                        Kia ko puni la he lanal@@

                        I hoa no ka alona ahiahi.

O ke oho o Mailelau@@

            Anuhea i ka ihu ke houi

Ka makou mea e li'a nei

            E hoi mai oe la e pili.

                        Iwilei, Iune 20, 1892.

 

Halawai a na Komite Kuwaena o ka Hui Hawaii Liberala.

            Ma ka halawai a ka ui Hawaii Liberala i malamaia ma he a@@@ Poaha i hala, June 16, ua kohola na Keonimana malalo iho i @@@ laia no ke Komite Kuwaena:

 

APANA I.

Hon. R. W. Wilikoki              F. H. Koiki

J. W. Kahalewai          G. B. Elama

D. K. Kamakauwela.

APANA II.

Hon. J. W. Bipikane    S. Kolea

J. Kahahawai               T. Hoomaka

APANA III.

Hon. J. E. Boki           J. K. Pendergast

I. Nauha                      J. S. Ke@@@@

APANA IV.

C. B. Maile                  S. Kau@@@

J. Heloua                     Alex. S@@@

APANA V.

Hon. J. Nawahi           W. Ka@@@

J. K. Paele                   D. W. Pua